9 Tamyz, 10:24 1381 0 Aımaq Anar LEPESOVA

Aqtóbede koronavırýs juqtyrǵan balalardan Kavasakı sındromy anyqtaldy

Aqtóbede oblystyq balalar aýrýhanasynda jatqan 5 jáne 15 jastaǵy baladan Kavasakı aýrýyna uqsas belgiler anyqtaldy.

Bul týraly Aqtóbe oblysynyń densaýlyq saqtaý basqarmasyna silteme jasap "Dıapazon" habarlady.

"Oblystyq balalar aýrýhanasynda jatqan eki balada mýltısıstemalyq qabyný sındromy rastaldy. 5 jáne 15 jastaǵy balalar aýyr jaǵdaıda qabyldanǵan bolatyn. Qazir olar palataǵa aýystyryldy, ómirlerine eshqandaı qaýip joq", - dedi oblystyq densaýlyq saqtaý basqarmasynyń basshysy Samat Danıarov.

Onyń aıtýynsha, 5 balada Kavasakı sındromy bolýy múmkin degen kúdikpen aýrýhanaǵa túsken. Bul dıagnoz úsheýinde rastalmady.

"Koronavırýs ınfekııasy eresekterde tromboembolııa týdyrýy múmkin, al balalarda Kavasakı sındromyn órshitedi. Aýrý dene qyzýyn kóterip, álsizdik pen aıaq-qolda allergııa sııaqty bórtpe paıda bolady. Júrek soǵysy da jıileı túsedi", - dep túsindirdi juqpaly aýrýlar jónindegi bas maman Meırambek Qurmangazın.

Sondaı-aq, ol COVID-19 indetiniń alǵashqy belgileri sezile bastaǵanda-aq dáriger keńesine júginý kerektigin aıtady.

Buǵan deıin Italııa, Ulybrıtanııa jáne AQSh-ta koronavırýs ınfekııasy bar balalarda osyndaı asqynýlar tirkelgen bolatyn. Mundaı jaǵdaıda balalardyń orta jáne kishi arterııalary zardap shegedi.

 

Sońǵy jańalyqtar