8 Tamyz, 12:25 534 0 Jańalyqtar Asyl TUMAR

Kóbeıtuz kóliniń balshyǵyn áketpek bolǵan elordalyqtar jaýapqa tartyldy

Ereımentaý aýdanyndaǵy Kóbeıtuz kóliniń balshyǵyn áketpek bolǵan elordalyqtar ákimshilik kodekstiń birden úsh baby boıynsha jaýapqa tartyldy, – dep habarlady Aqmola oblystyq PD baspasóz qyzmeti.

Vedomstvodan atap ótkendeı, Nur-Cultan qalasynyń eki turǵyny, erli-zaıyptylar tyıym salynǵanyna qaramastan dala jolymen blokposty aınalyp ótip Kóbeıtuz kóline barǵan. Olar kólge baryp qana qoımaı, kóldiń balshyǵyn alyp ketpek bolǵan.

Ereımentaý aýdandyq polıııa qyzmetkerleri astanalyqtardyń ákimshilik kodeks boıynsha birneshe zań buzýshylyq jasaǵanyn anyqtady.

«Osyǵan baılanysty 58 jastaǵy er adam men onyń áıeliniń ústinen QR ÁQbK 364 baby (ortaq sýdy paıdalaný erejesin buzý) boıynsha ákimshilik hattama toltyryldy. Sonymen birge, karantın talabyn buzǵandary úshin QR ÁQbK 425 baby (halyqtyń sanıtarııalyq-epıdemıologııalyq salamattylyǵy salasyndaǵy zańnamasynyń talaptaryn, sondaı-aq gıgıenalyq normatıvterdi buzý) boıynsha jáne QR ÁQbK 139 baby (jer qoınaýyna memlekettik menshik quqyǵyn buzý) boıynsha is materıaldary jınalyp, oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti, oblystyq ekologııa departamentine joldandy», – deıdi vedomstvodan.

Osy rette, tártip saqshylary karantın rejımin buzǵandar jaýapkershilik tartylatyn eskertedi, sondaı-aq tabıǵy resýrstarǵa uqyptylyqpen qaraýǵa shaqyrady.

Sońǵy jańalyqtar