8 Tamyz, 11:33 1165 0 Jańalyqtar Asyl TUMAR

Pedagogıkalyq baǵytta oqıtyn stýdentterge stıpendııa kólemi artady

Qazaqstanda pedagogıkalyq baǵytta oqıtyn stýdentter men doktoranttarǵa stıpendııa kólemi artady. Tıisti qujat Ashyq normatıvtik-quqyqtyq aktiler portalynda jarııa talqyǵa usynyldy, – dep jazdy QazAqparat.

Shákirtaqy somasyn kóterýge Memleket basshysy Qasym-Jomart Toqaevtyń 2020 jylǵy 27 mamyrdaǵy Ulttyq qoǵamdyq senim keńesiniń úshinshi otyrysynda bergen tapsyrmasy negiz boldy.

«Joǵary bilimniń bilim berý baǵdarlamalaryn iske asyratyn bilim berý uıymdarynda daıarlaýdyń pedagogıkalyq baǵyttarynda oqıtyn oqıtyn stýdentterge – 42000 teńge», – delingen qujatta.

Al basqa mamandyqtardaǵy stýdentterge stıpendııa burynǵy 26 186 teńge somasynda beriledi. Munymen qosa, doktoranttardyń stıpendııasy 150000 teńgege jetedi. Qazirgi kezde olarǵa 102 498 teńge somasynda berilip keledi.

Osy qaýly 2020 jylǵy 1 qyrkúıekten bastap qoldanysqa engiziledi.

Sońǵy jańalyqtar