7 Tamyz, 19:33 453 0 Jańalyqtar Asyl TUMAR

«Nur Otan» partııasy úıi órtenip, dalada qalǵan qarııaǵa kómektesti

Jýyrda BAQ jáne áleýmettik jelilerde jalǵyzbasty ákeniń úsh balasymen qıyn jaǵdaıda qalǵany týraly jańalyq partııalyqtardy shette qaldyrmady. Bul jaǵdaıǵa zeınetker úıi órtengennen keıin tap bolǵan.

Bul jańalyqqa «Nur Otan» partııasynyń músheleri birden ún qatty. Almaty qalalyq fılıalynyń bastamasymen  partııanyń belsendi músheleri Shýhrat Shardınov pen Maksım Fınogenov otbasynyń turǵylyqty jeri boıynsha úıine baryp, kómek kórsetti.

Birneshe aı buryn jarynan aıyrylǵan Ábdýkárim Ábdirahmanov úsh kishkentaı balasyn jalǵyz tárbıeleýde. Otbasy bala kútimi boıynsha beriletin járdemaqyǵa kún kórýde. Alaıda qujattardy rásimdeýde de óziniń qıynshylyqtary týyndap jatyr. Qoldaý kórsetýge nıet tanytqan birqatar adamdar zeınetkerdiń aqshasyn alyp, aldap ketken bolatyn. Órtten keıin otbasynyń qora-qopsyda turyp jatqany anyqtaldy.

«Astana telearnasynda osyndaı qıyn jaıǵdaıǵa tap bolǵan Túrksib aýdanynyń turǵyny týraly sıýjetti kórgende, «Nur Otan» partııasynyń músheleri retinde bul máselege beı-jaı qaraı almadyq. Qurylys materıaldarymen kómektesip, ystyq tamaqpen qamtamasyz etýdemiz. Sondaı-aq, qurylys aıaqtalǵannan keıin úıdiń elektr symdaryn jasaımyz», – dedi «Nur Otan»partııasynyń múshesi, «AKQZ» zaýytynyń dırektory Shýhrat Shardınov.


Budan bólek
partııa múshesi Maksım Fınogenovóz tarapynan úıdi gazben jabdyqtaýdyń ortalyq júıesine qosýǵa jáne qajet qujattardy rásimdeýge kómek qolyn sozdy.

«Partııalyqtarǵa, kómektesip jatqan barsha adamdarǵa alǵysym sheksiz. Alla razy bolsyn!», – dedi Ábdýkárim Ábdirahmanov.

Sońǵy jańalyqtar