7 Tamyz, 17:18 866 0 Jańalyqtar Asyl TUMAR

Ulttyq gvardııa qolbasshysynyń orynbasary janarmaı urlady degen kúdikke ilindi

QR Ulttyq gvardııasy óńirlik bólimi qolbasshysynyń orynbasary janar-jaǵarmaı materıaldaryn urlaý kúdigine ilindi. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov aıtty, – dep jazdy QazAqparat.

«Qaraǵandy oblystyq sybaılas jemqorlyqqa qarsy qyzmeti QR UQK qyzmetkerlerimen birlesip, 2020 jylǵy 1 tamyzda janar-jaǵarmaı materıaldaryn zańsyz ıemdený arqyly múlikti jymqyrǵany úshin kúdikke ilingen Qazaqstan Respýblıkasy Ulttyq gvardııasynyń 52859 áskerı bólimi óńirlik qolbasshylyǵynyń orynbasaryn ustady», – dedi tergeýshi.

Onyń atap ótýinshe, qylmystyq is boıynsha sotqa deıingi tergeý júrip jatyr. Tergeý múddesine baılanysty ózge aqparat jarııa etilmeıdi.

Sońǵy jańalyqtar