7 Tamyz, 13:57 429 0 Jańalyqtar Asyl TUMAR

Almatyda 26 myńǵa jýyq adam baspana kezeginde tur

Almaty qalasy turǵyn úı saıasaty basqarma basshysynyń orynbasary Aıbek Saıdeldaev alyp shaharda 26 myńǵa jýyq adam baspana kezeginde turǵanyn aıtty.

«Qazirgi tańda qalada 26 myńǵa jýyq adam úıge kezeginde tur. Kópbalaly analardan – 2180, jetim balalardan – 600, áleýmettik osal toptardan – 12 myń, memlekettik qyzmetkerlerden 10 myńǵa jýyq adam kezekte tur. 2020 jyly 3 myńǵa jýyq úı paıdalanýǵa beriledi. Onyń ishinde «Almaty jastary» boıynsha 188 jasqa páter kilti tabys etildi», – deıdi Aıbek Saıdeldaev.

Sonymen qatar, ol respýblıkalyq «Baqytty otbasy» baǵdarlamasy boıynsha 1696 adamnan ótinish túskenin atap ótti.

«Nesıe berý lımıtterin QR IIDM óńirler boıynsha bóledi. Almaty qalasyna 3,7 mlrd teńge somasyna 376 qaryz bólindi, onyń ishinde: 188 – kópbalaly otbasy, 188 – tolyq emes otbasy jáne múgedek balalardy tárbıelep otyrǵan otbasylary bar. 2020 jylǵy 7 tamyzda 155 nesıelik qaryz berildi», – dedi ol.

 

Sońǵy jańalyqtar