6 Tamyz, 19:05 948 0 Zań Anar LEPESOVA

Qazaqstanda naýryzdan beri turmystyq zorlyq-zombylyqtan 33 adam kóz jumdy

Bıylǵy jyldyń naýryz-shilde aılarynda 33 otandasymyz turmystyq zorlyq-zombylyq qurbany boldy. 

Bul jóninde Ortalyq kommýnıkaııalar qyzmetindegi baspasóz máslıhatynda QR IIM Tergeý departamentiniń asa mańyzdy ister jónindegi aǵa tergeýshisi Arman Mátjan aıtty.

«2020 jylǵy 16 naýryzda tótenshe jaǵdaı engizilgennen bastap 5 tamyzǵa deıingi aralyqta 241 turmystyq zorlyq-zombylyqpen baılanysty qylmystyq quqyqbuzýshylyq tirkeldi. Onyń ishinde 33-i adamdardyń qaza tabýymen, ıaǵnı ólimimen aıaqtaldy. Ótken jyldyń uqsas kezeńine taldaýdy naqty osy merzim aralyǵynda júrgizbegen edik. Biraq biz 16 naýryz ben 31 shilde aralyǵyndaǵy málimetterge salystyrmaly taldaý jasaǵan bolatynbyz. Atap aıtqanda, 31 shildege deıingi aralyqta 237 qylmystyq quqyqbuzýshylyq tirkelgen. Bul ótken jyldyń osy merziminiń aralyǵymen salystyrǵanda, 41,7 paıyzǵa kóp», - dedi A. Mátjan.

Eske sala keteıik, buǵan deıin QR IIM Ákimshilik polıııa komıteti Iývenaldy polıııa jáne áıelderdi zorlyq-zombylyqtan qorǵaý basqarmasynyń basshysy Áset Ospanov karantın kezinde turmystyq zorlyq-zombylyq  21 paıyzǵa artqanyn aıtqan bolatyn.

Basqarma basshysynyń sózinshe, karantın kezinde otbasynda janjal shyǵaratyndardy baqylaýdyń jańa tásili qoldanylǵan.  Tirkeýde turǵandar jáne quqyq buzýshylyqqa áýes adamdar qashyqtan, ıaǵnı áleýmettik messendjerlermen vıdeo baılanys arqyly tekserilgen.

 

 

Sońǵy jańalyqtar