6 Tamyz, 16:28 450 0 Jahan Anar LEPESOVA

Qyrymda indet juqtyrýdyń rekordty kórsetkishi tirkeldi

Qyrymda bir táýlik ishinde koronavırýs juqtyrýdyń 39 deregi anyqtalǵan. Bul – pandemııa bastalǵaly tirkelgen rekordty kórsetkish, dep habarlaıdy «Interfaks».

Respýblıka basshysy Sergeı Aksenovtyń «VKontaktedegi» paraqshasynda jarııalanǵan málimetke súıensek, túbek aýmaǵynda sońǵy anyqtalǵan 39 derektiń 16-sy – medıınalyq kómekke júginýshiler arasynan, 17-si – buryn anyqtalǵandarmen baılanysta bolǵandardy tekserý kezinde, 6-aýy – deni saý azamattardy skrınıngten ótkizý barysynda anyqtalǵan.

Buǵan deıin indet juqtyrýdyń joǵary kórsetkishi 4 shildede tirkelgen. Ol kúni aımaqta 38 adamnan koronavırýs anyqtalǵan.

Sońǵy derek boıynsha, Qyrymda pandemııa bastalǵaly 1386 adam indet juqtyrǵan. 986 adam emdelip shyqsa, 16 naýqas kóz jumdy.

Reseıdiń ońtústigindegi taǵy bir kýrort 3 tamyzda indet juqtyrǵandar sany jóninen rekord ornatqan. Krasnodar ólkesinde bir táýlik ishinde 113 adamnan koronavırýs anyqtalǵan edi.  Olardyń 72-si – áıel, 41-i – er adam, 12-si – bala.

Eske sala ketsek, buǵan deıin Túrkııa kýrorttarynda koronavırýs juqtyrý derekteriniń sany kúrt artqanyn habarlaǵanbyz.

Sońǵy jańalyqtar