6 Tamyz, 16:09 558 0 Atajurt Baqytbek Qadyr

733 qandasymyz ubt-ǵa onlaın qatysty

Sheteldegi qandastardyń Qazaqstanda oqýy úshin shaqyrý alý máselesi Bilim jáne ǵylym mınıstrligi tarapynan júıeli jolǵa qoıylǵan. Olardyń elge kelip, bilim alyp, keıinnen mamandyǵyna qaraı jumys is­tep, otbasyn quryp atajurtta qalýyna jaǵdaı jasaldy. Dese de, ózge elde saýat ashyp, orta mektepti syrtta támamdaǵan jastarǵa elimizde bir­den UBT tapsyrý qıynǵa túsetini ras. Sol úshin Bilim jáne ǵylym mı­nıstrligi tarapynan talapkerlerdi ulttyq biryńǵaı testileýge daıar­laıtyn daıyndyq bólimi ashyldy. 2018-2019 jyldary 992, 2019-2020 jyl­dary 1 300 qandasymyz daıyndyq bólimine qabyldandy.

Qandastardy oqýǵa qabyldaýǵa arnalǵan kvota 2 paıyzdan, 4 paıyzǵa ósti. Atajurtta bilim alǵysy keletin talapker jastardyń sa­ny jyl saıyn artyp keledi. Bıyl UBT tap­syrýǵa 2025 qandasymyzdan ótinish ke­lip túsken. Talapker jastardyń basym bó­ligi UBT-ny el ishinde tapsyrdy.

«Otandastar qory» álemdik pandemııaǵa baı­lanysty elge kele almaı UBT tapsyrý múmkindiginen shet qalǵan qandas­tary­myz­dyń máselesin kótergen bolatyn. Bul ju­mys  úsh aı ýaqytqa sozyldy.

Nátıjesinde, Bilim jáne ǵylym, Syrtqy ister mınıstrlikteriniń, Ulttyq testileý or­talyǵynyń qoldaýymen, Qazaqstan aý­maǵynda koronavırýs ınfekııasynyń paı­da bolýy men taralýyna jol bermeý jó­nindegi vedomstvoaralyq komıssııa oty­rysynda shetelde qalǵan talapker qan­das­tarǵa UBT-ny onlaın ótkizý sheshimi qabyl­dan­dy. Buǵan deıin elimizde UBT onlaın re­jımde ótkizilmegen. «Jumyla kótergen júk jeńil» degendeı, birigip atqarǵan je­misti qyzmet aıasynda 733 qandasymyz 19 shil­dede onlaın UBT-ǵa qatysty. Qandas ta­lapkerlerdiń onlaın test tapsyrýyna at­salysqan barsha mamannyń qyzmetine rızashylyǵymdy bildiremin», – deıdi «Otan­dastar qorynyń» vıe-prezıdenti Ma­ǵaýııa Sarbasov.

Shettegi qandas talapkerlerimiz «Otan­dastar qory» kótergen máseleniń oń sheshim tabýyna yqpal etken Ulttyq testileý orta­lyǵy, Syrtqy ister men Bilim jáne ǵylym mınıstrligine alǵysyn jetkizdi.

«Búkil álemdi jaılaǵan COVID-19 in­de­tine baılanysty shekara jabylyp, biz Qa­zaq­standaǵy ulttyq biryńǵaı testileýge qa­tysý múmkindiginen shet qaldyq. Degenmen «Otandastar qory» másele kóterip, Ulttyq test ortalyǵy, Syrtqy ister mınıstrligi men Bilim jáne ǵylym mınıstrliginiń qol­daýymen shetelde qalyp qoıǵan qazaq ba­lalaryna onlaın UBT tapsyrýǵa ruqsat berildi. Bul bizge jasalǵan úlken jeńildik boldy», – deıdi Qazaq ınnovaııalyq gýma­nıtarlyq-zań ýnıversıtetiniń tyńdaýshy­sy, Baıan-Ólgeı aımaǵyndaǵy qandasymyz Erjan Amanjol.

Eskerte ketetin jaıt, Qytaı, Mońǵolııa jáne Ózbekstandaǵy qandastar nazaryna! Onlaın tapsyrǵan UBT nátıjelerin https://certificate.testcenter.kz/.  saıtynan JSN, TJK engizip bile alady. Sodan keıin JOO-nyń vırtýaldy qabyldaý komıssııasyna konkýrsqa qatysý úshin qujattardy tap­syrý qajet. Kontaktilerdi kelesi siltemeden júktep alýǵa bolady http://www.testcenter.kz/press-tsentr/novosti/detail.php?ID=2059. Talapkerler 2020 jylǵy 19 shildede ótkizilgen onlaın testileý barysynyń beı­ne­jazbasyn Ulttyq testileý ortalyǵyna jibermese, test nátıjesi shyqpaıdy. Tes­tileý nátıjesi beınejazba qaralǵannan keıin ǵana jaramdy. Beınejazba Ulttyq tes­tileý ortalyǵynyń nct-kt@mail.ru posh­tasyna jiberilmegen jaǵdaıda, testileý ná­tıjesi joıylatyn bolady.

Talapkerler testten alǵan baǵasyna qa­raı el ishindegi oqý ordalarynyń stýdenti ata­nady. Bul ár talapkerdiń testten alǵan upaıy­nyń nátıjesine qaraı jeke qara­lady.

Sońǵy jańalyqtar