6 Tamyz, 13:33 21877 0 Aımaq Anar LEPESOVA

Qazaqstannyń úsh oblysynda karantın jeńildetildi

Sýret ınternetten alyndy
Sýret ınternetten alyndy

Koronavırýs juqtyrý derekteriniń azaıýyna baılanysty elimizdiń birqatar óńirinde karantın jeńildetildi. 

Atap aıtqanda, Almaty oblysynda qurylys materıaldary men kóliktiń qosalqy bólshekterin satatyn bazarlardy ashýǵa ruqsat berildi. Alaıda ǵımarattyń ishinde ornalasqan bazarlar ázirshe ashylmaıdy.

Qaraǵandy oblysynda jabyq muz aıdyny bar sport keshenderinde jattyǵýlardy ótkizýge bolady. Sportshylar hokkeı, mánerler syrǵanaý jáne taǵy basqa sport túrleri boıynsha jattyǵa alady.

Al Aqmola oblysynda týrıstik nysandardyń aımaǵynda ornalasqan jaǵajaılarda sýǵa túsýge salynǵan tyıymnyń kúshi joıyldy.  Dese de, sanıtarlyq normalar qatań saqtalýy qadaǵalanady. Jaǵajaıdyń jalpy aýdanyn adam sanyna bólgende, árbir demalýshyǵa 4 sharshy metrden kem bolmaýy tıis.

Kýrorttyq aımaqqa tek joldamasy barlar ǵana kire alady. Jaǵajaıǵa kirerdiń aldynda dene qyzýyn tekseriledi. Demalys oryndarynyń ıeleri shezlongtar men oryndyqtardyń bir-birinen alshaq qoıylýyn, zalalsyzdandyrý jumystarynyń udaıy júrgizilýin qadaǵalaýy tıis.

Eske sala keteıik, 3 tamyzdan bastap elordada qoǵamdyq kólik qozǵalysy qaıta jandanǵanyn habarlaǵanbyz.

Qoǵamdyq kólikterge maskasyz kirýge tyıym salynady. Kóliktik baqylaý bóliminiń qyzmetkerleri kún saıyn reıdter júrgizip, júrgizýshiler de, jolaýshylar da maska rejımin saqtaıtyn bolady. Júrgizýshilerge jolaýshylardy salonǵa maskasyz kirgizýge qatań tyıym salynady. Avtobýstan tek aldyńǵy esikten shyǵady. Jol júrý aqysy banktik aýdarym arqyly jasalady.

 

Sońǵy jańalyqtar