6 Tamyz, 11:06 639 0 Jańalyqtar Anar LEPESOVA

Almatyda koronavırýs juqtyrmaǵanyn rastaıtyn jalǵan anyqtamalar satqan dáriger ustaldy

Almatyda dárigerler koronavırýs juqtyrmaǵanyn rastaıtyn anyqtamany 25 myń teńgege satqan. Bul týraly QR Qarjy mınıstrligi Qarjy monıtorıngi komıtetiniń baspasóz qyzmeti habarlady. 

Jedel-izdestirý is-sharalaryn júrgizý barysynda QR Qarjy mınıstrligi Qarjy monıtorıngi komıtetiniń Almaty oblysy boıynsha Ekonomıkalyq tergeý departamentiniń qyzmetkerleri PTR-testine teris nátıje kórsetilgen jalǵan anyqtamalardy berý faktisin anyqtady.

Qabyldanǵan sharalar nátıjesinde «Covid-19»-ǵa PTR teris nátıjesi kórsetilgen anyqtamany berý úshin 25 000 teńge kóleminde aqshalaı syıaqy alý kezinde 1984 jyly týǵan medıına qyzmetkeri ustaldy.

«Jaýap alý barysynda Almaty oblysynyń turǵyny maýsym aıynan bastap qazirgi ýaqytqa deıin 12-ge jýyq osyndaı anyqtama usynǵanyn habarlady. Qazirgi ýaqytta atalǵan fakti boıynsha sotqa deıingi tergeý isi qozǵaldy»,-dep habarlady QR Qarjy mınıstrligi Qarjy monıtorıngi komıtetiniń baspasóz qyzmeti.

 

Sońǵy jańalyqtar