6 Tamyz, 10:13 737 0 Jańalyqtar Anar LEPESOVA

Belgili qalamger Bısultan Amanǵalıev qaıtys boldy

Belgili jýrnalıst, jazýshy, soǵys ardageri Bısultan Amanǵalıev 95 jasqa qaraǵan shaǵynda ómirden ótti. 

Bısultan Amanǵalıev 1925 jyly 24 jeltoqsanda qazirgi Batys Qazaqstan oblysyny, Kaztalov aýdanynda dúnıege kelgen.

Qalamger 1954 jyldan 1990 jylǵa deıin QazTAG aýdarma keńsesinde jumys istedi. QazTAG-qa deıin «Qazaqstan pıoneri» jáne «Soıalıstik Qazaqstan» gazetterinde qalamyn ushtady. Eńbek jolyn aýdarmashy bolýdan bastaǵan ol aýdarma bóliminiń redaktory, bas redaktordyń orynbasary, respýblıkalyq, búkilodaqtyq jáne sheteldik aqparat redakııasyn basqardy. Bısultan Amanǵalıev  QazTAG-tyń maıtalman mamany, elimizdegi bilikti aýdarmashy retinde arnaıy aldyrylyp, KSRO Joǵarǵy Keńesi sessııalarynda stenografııalyq ilespe aýdarma jasaý úshin birneshe ret Máskeýde de bolǵan. Ásirese, 1969 jyly Máskeýdegi Kremldiń Sezder saraıynda III-Búkilodaqtyq kolhozshylar sezinde tikeleı ilespe aýdarma jasaǵan. Bısultan Amanǵalıev Ýkraına, Polsha, Chehoslovakııa, Vengrııany azat etýge qatysty. Áskerdiń barlyq úsh salasynda qyzmet etti. Ol Qazaqstanǵa 1945 jyldyń qarashasynda ǵana oraldy.

Bısultan Amanǵalıev soǵys jáne beıbit ýaqyttaǵy «Qurmet» ordenimen, Halyqtar dostyǵy, Qyzyl Juldyz, Jeńis ordenderimen marapattalǵan.

 

Sońǵy jańalyqtar