5 Tamyz, 12:43 544 0 Jańalyqtar Asyl TUMAR

Jumyspen qamtýdyń jol kartasy: 154 myń jumys orny quryldy

Sýret ǵalamtordan alyndy
Sýret ǵalamtordan alyndy

QR Eńbek jáne halyqty áleýmettik qorǵaý mınıstrliginiń baspasóz qyzmeti Jumyspen qamtýdyń 2020-2021 jyldarǵa arnalǵan jol kartasy aıasynda (budan ári – JQJK) 6 373 jobany iske asyrý bastalyp, onyń 154 myń jumys orny qurylǵanyn habarlady.

JQJK aıasynda jergilikti atqarýshy organdar iske asyrý úshin 6 762 jobany iriktep aldy.

JQJK ınfraqurylymdyq jobalaryn iske asyrý 4 negizgi baǵyt boıynsha ótedi:

  • áleýmettik-mádenı nysandardy kúrdeli jáne aǵymdaǵy jóndeý, rekonstrýkııalaý jáne salý (2 729 joba);
  • turǵyn úı-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýkııalaý (1 088 joba);
  • ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, rekonstrýkııalaý jáne salý (1 926 joba);
  • eldimekenderdi abattandyrý (1 019 joba).

JQJK ınfraqurylymdyq jobalaryn iske asyrý kezinde otandyq óndirýshilerdiń keminde 90% taýarlary men qyzmetin qoldanýdy qamtamasyz etý erekshe shart bolyp tabylady. Jumysshylardyń kem degende jartysy halyqty jumyspen qamtý ortalyqtary arqyly alynyp, basymdyq jumyssyz júrgen jastarǵa beriledi. Merdigerler sanıtarlyq-epıdemıologııalyq sharalardy qoldana otyryp, qaýipsiz eńbek jaǵdaıyn qamtamasyz etýge tıis.

4 tamyzdaǵy jaǵdaı boıynsha óńirlerde 6 373 joba boıynsha jumys bastaldy, 154 myń jumys orny quryldy, onyń ishinde halyqty jumyspen qamtý ortalyqtary arqyly 88 myń adam jumysqa ornalasty.

Sońǵy jańalyqtar