5 Tamyz, 11:57 469 0 Jańalyqtar Asyl TUMAR

Prezıdent Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy

QR Syrtqy ister mınıstri Muhtar Tileýberdi Beırýtta bolǵan jarylysqa qatysty túsinikteme berdi.

«Lıvandaǵy Beırýt qalasynyń portynda birneshe joıqyn jarylys boldy. Qalalyq ınfraqurylymǵa zııan keldi, adam shyǵyny bar. Jarylys týraly aqparatty alǵannan keıin Prezıdentimiz Qasym-Jomart Toqaev Syrtqy ister mınıstrligine Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy», – delingen QR Syrtqy ister mınıstrliginiń paraqshasynda jarııalanǵan Muhtar Tileýberdiniń túsiniktemesinde.

Onyń dereginshe, qazirgi ýaqytta Qazaqstannyń 113 azamaty Lıvanda konsýldyq esepte tur.

«Dıplomattar olarmen baılanysta, qazaqstandyqtardyń arasynda zardap shekkender joq. Ózderińiz biletindeı, dıplomatııalyq mıssııa keńsesine de jarylystyń zııany tıgen bolatyn. Ol aldaǵy ýaqytta qalpyna keltiriledi. Qyzmetkerlerimiz ben olardyń otbasy músheleri zardap shekken joq. Ózderińiz biletindeı, Lıvanda BUU bitimgershilik kontıngenti bar. Onyń quramyna 120 qazaqstandyq jaýynger kiredi. Qazir olardy rotaııalaý proesi júrip jatyr jáne kúni keshe ǵana qazaqstandyq bitimgerler qyzmet etetin oryndaryna aman-esen jetti», – dedi mınıstr.

Qazaqstannyń Lıvandaǵy bitimgershilik mıssııasy 2018 jyldyń qazan aıynda BUU-nyń mandatyna sáıkes, Lıvanda qazaqstandyq jáne úndi bitimgerlerin birlesip óristetý týraly memorandýmǵa qol qoıylǵannan keıin bastaldy. Osy aıdyń basynda ǵana Qazaqstan Lıvanǵa tórtinshi bitimgerler tobyn jibergen edi.

Qorǵanys mınıstrliginiń málimetinshe, Beırýttaǵy jarylys saldarynan qazaqstandyq bitimgerler zardap shekken joq.

Sońǵy jańalyqtar