5 Tamyz, 11:58 474 0 Jahan Anar LEPESOVA

Álemde koronavırýs qurbandarynyń sany 700 myńnan asty

Álemde koronavırýs juqtyrǵandar sany 18,5 mıllıonnan, al indetten kóz jumǵandar sany 700 myńnan asyp jyǵyldy. Bul týraly AQSh-tyń Djons Hopkıns ýnıversıteti habarlady.

Indet juqtyrǵandar sany jóninen dúnıe júzinde kósh bastap turǵan AQSh-ta 4,7 mıllıonnan asa adamnan qaterli vırýs anyqtaldy. Naýqastardyń 156 myńnan astamy qaıtys boldy.

Al 2,8 mıllıon turǵyny indetke shaldyqqan Brazılııa ekinshi orynda.  Elde pandemııa bastalǵaly 95 myńnan asa naýqas kóz jumdy.

Úshinshi orynda – Úndistan. Bul elde 1,9 mıllıonnan astam adam koronavırýs juqtyrǵan. Indet qurbandarynyń sany – 39 795.

Óz elimizdegi epıdemıologııalyq ahýalǵa kelsek, Qazaqstanda ótken táýlikte 1062 adamnan koronavırýs anyqtalyp, indetke shaldyqqandardyń jalpy sany 95 myńǵa jýyqtady. Indetten 67 myńnan asa adam emdelip shyqsa, 1058 adam kóz jumdy.

Sońǵy jańalyqtar