5 Tamyz, 11:11 422 0 Jańalyqtar Asyl TUMAR

Bala quqyǵy: «111 jedel qyzmet» baılanys ortalyǵy iske qosylady

Sýret ǵalamtordan alyndy
Sýret ǵalamtordan alyndy

Qyrkúıekte Otbasy, áıelder máseleleri jáne balalardyń quqyqtaryn qorǵaý jónindegi keńes janyndaǵy «111 jedel qyzmet» baılanys ortalyǵy óz jumysyn bastaıdy. Bul týraly Balalar quqyǵyn qorǵaý boıynsha respýblıkalyq keńes tóraıymy Dınara Zakıeva Facebook-tegi paraqshasynda habarlady. 

«Qymbatty dostar! Birneshe aı boıy zorlyq-zombylyqtyń aldyn alý boıynsha eki mańyzdy júıelik sheshimdi engizý boıynsha, atap aıtqanda, barlyq óńirlerde qıyn ómirlik jaǵdaıdaǵy jáne zorlyq-zombylyqqa tap bolǵan otbasylardy anyqtaý jónindegi jedel toptardy uıymdastyrý, sondaı-aq «Nur Otan» partııasynyń janyndaǵy Otbasy, áıelder máseleleri jáne balalardyń quqyqtaryn qorǵaý jónindegi keńes janynan «111 jedel qyzmet» baılanys ortalyǵyn ashý jumystary júrgizildi jáne búgin biz onyń qyrkúıek aıynda óz jumysyn bastaıtynyn qýana habarlaımyz», – dep jazdy ol.

Dınara Zákıevanyń aıtýynsha, jylyna balalarǵa qatysty 2000 astam qylmys jasalady, onyń 700 jýyǵy jynystyq qol suǵylmaýshylyqqa qarsy. Balalarǵa qatysty zorlyq-zombylyqtyń 60% otbasynda bolady.

Ár qylmys sanynyń artynda balanyń búkil ómiri turady.

«Árqaısymyz «111» nómirine ýaqytynda habarlasyp, balalardyń qorǵaýshysy bola alamyz jáne bolýymyz kerek. Ádette, tergeý kezinde kýágerler bolǵany belgili bolady. Aınaladaǵylar, kórshiler bolyp jatqan keleńsiz jaǵdaılardy baıqaǵan kezde ony túsinbeı, ne isteý kerektigin bilmegendikten aralasqysy kelmeıdi», – deıdi ol.

Onyń aıtýynsha, er balalar men eresekter ózderine kómek qajet bolǵan nemese otbasylyq jaǵdaılar týraly bilgen kezde, qaıda barýǵa bolatyndyǵyn bilý úshin, sonymen birge turmystyq zorlyq-zombylyq, balalardyń quqyqtarynyń buzylýy týraly, balanyń kóshede, úıde, kólikte jalǵyz qalǵany týraly , onyń ómirine jáne densaýlyǵyna qaýip tóngendigi, zorlyq-zombylyq nemese qatygezdik jasalynǵandyǵy boıynsha nemese eger olar balalarǵa qaýip tóndiretin obektini, mysaly, ashyq lıýkti, joǵary voltty berý jelisin, sý kózin kórse, osyndaı jaǵdaılar jóninde kómek kórsetý úshin «Nur Otan» partııasy janynan qyrkúıek aıynyń basynda óz jumysyn bastaıtyn «111 jedel qyzmet» baılanys ortalyǵyna habarlasa alady.

«Eger siz kishkentaı balanyń qaraýsyz qalǵanyn, oǵan qaýip tónip turǵanyn kórseńiz, eger siz balaǵa nemese áıelderge qatysty qatygezdik, zorlyq-zombylyq áreketteri qoldanylýy múmkin ekenin bilseńiz, olardyń quqyqtary buzylsa, 111 nómirine kúmándanbastan qońyraý shalýdy suraımyz.

111 nómiri qupııa túrde bolady.

111 nómiri ár aımaqtyń IID-men baılanysty bolady.

111 nómiri «Baqytty otbasy» jol kartasy boıynsha qurylǵan barlyq jedel toptarmen baılanysta.

Qońyraý shalýshyǵa qandaı sharalar qabyldanǵany týraly keri baılanys berý qajet.

Eń bastysy barlyǵymyz osy máselege barynsha qatysýymyz qajet. Balanyń, áıelderdiń ómiri men densaýlyǵyna qaýip tóngenine kúdik týǵan jaǵdaıda habarlaý, turmystyq zorlyq-zombylyqqa nóldik tózimdilik tanytý jáne «111» nómirine habarlaý kerek.

«111» nómiri balalardyń, otbasy men áıelderdiń quqyqtaryn qorǵaýǵa baılanysty barlyq máseleler boıynsha ótinishter qabyldaıdy.

Sonymen qatar, zorlyq-zombylyqtyń aldyn alý úshin:

Maýsym aıynda biz óńirlermen birlesip, jol kartasy aıasynda barlyq óńirlerde jedel áreket etý toptaryn ashýdy bastadyq. Qazirgi ýaqytta 2 182 jedel áreket etý toby ashyldy (jergilikti atqarýshy organdardyń qoldanystaǵy fýnkıonaldyq mindetteri sheńberinde) . Toptardyń mindeti-qıyn ómirlik jaǵdaıdaǵy otbasylardy, otbasylyq-turmystyq zorlyq-zombylyqty anyqtaý, kómek uıymdastyrý jáne nátıjeni baqylaý. Qazir olar endi ǵana jumys isteı bastaıdy.

Qazirgi ýaqytta biz balalar men otbasylyq-turmystyq zorlyq – zombylyqty qorǵaý jónindegi zańnamaǵa ózgerister engizý boıynsha Májilis tobynda jumys istep jatyrmyz. Biz uryp-soǵý, azaptaý, zorlyq-zombylyq qylmystary boıynsha qatańdatýdan bastap jetim balalardyń turǵyn úı alý máselelerine deıin usynystar engizdik. Qazirgi tańda memlekettik organdar usynystardy qoldap, kelisýi mańyzdy.

Bilim mınıstrligi «Nur Otan» partııasy janyndaǵy Keńestiń 6 aqpandaǵy hattamalyq tapsyrmasyna sáıkes, bizdiń 220 eldi mekendegi jumysymyzdyń qorytyndysy boıynsha basqa da memlekettik organdarmen birlesip, zorlyq-zombylyqty anyqtaý jáne aldyn alý boıynsha mektepter úshin biryńǵaı tásil ázirlenedi», – dep jazdy Dınara Zakıeva.

 

Sońǵy jańalyqtar