4 Tamyz, 11:37 528 0 Jańalyqtar Asyl TUMAR

Úkimet basshysy tamyzdyń sońyna deıin ınternet sapasy men jyldamdyǵyn retteýdi tapsyrdy

Sýret ǵalamtordan alyndy
Sýret ǵalamtordan alyndy

Premer-Mınıstr Asqar Mamın 25 tamyzǵa deıin oqýshylar men muǵalimder oqý jylynyń qashyqtan bastalýyna tolyq daıyn bolýy keregin aıtty.

«Bilim jáne ǵylym mınıstrligi ákimdiktermen birlesip, osy jyldyń 25 tamyzyna deıin oqýshylar men muǵalimderdiń oqý jylynyń qashyqtan bastalýyna tolyq daıyn bolýyn qamtamasyz etsin. Muǵalimder tıisti oqýdan ótkizilsin. Internet-platformalarda jáne teledıdarda qajetti kontent tolyq kólemde daıyndalsyn», – dep tapsyrdy A.Mamın Úkimet otyrysynda.

Sonymen qatar Premer-Mınıstr oqýlyqtar 25 tamyzǵa deıin berýdi tapsyrdy. Oqýlyqtardyń qaǵaz júzindegi nusqasy mindetti túrde elektrondyq formatta bolýy tıistigin ári olar qoljetimdi bolýy keregin basa aıtty.

«ıfrlyq damý mınıstrligi ákimdiktermen jáne baılanys operatorlarmen birlesip, bilim berý resýrstarynyń qoljetimdiligi men ornyqtylyǵyn, sondaı-aq eldimekenderde ınternettiń sapasy men jyldamdyǵyn qamtamasyz etsin», – dedi Úkimet basshysy.

«Ákimdikter men Densaýlyq saqtaý mınıstrligi oqý oryndarynda, ásirese oqytýdy dástúrli ashyq túrde jalǵastyratyn jáne «kezekshi» bastaýysh synyptary bar mektepterde sanıtarlyq-epıdemıologııalyq normalardy qatań saqtaý boıynsha barlyq qajetti sharalardy qabyldasyn. Jalpy, jańa oqý jylynyń bastalýyna barlyǵymyz úlken jaýapkershilikpen qaraýymyz kerek», – dedi Asqar Mamın.

Sońǵy jańalyqtar