4 Tamyz, 10:55 1570 0 Jańalyqtar Asyl TUMAR

Bastaýysh synyp oqýshylary úshin kezekshi synyptar ashylady – mınıstr

Sýret ǵalamtordan alyndy
Sýret ǵalamtordan alyndy

Bilim jáne ǵylym mınıstri Ashat Aımaǵambetov Úkimet otyrysynda: «Jańa oqý jylyna daıyndyq qarqyndy júrip jatyr. Eldegi sanıtarlyq jaǵdaıǵa baılanysty 1 qyrkúıekten bastap oqý jyly jalpy qashyqtan oqytý formatynda bastalady. Qabyldanǵan sheshimge sáıkes, bul jerde eki erekshelik bar. Birinshiden, shalǵaıdaǵy eldimekenderdegi shaǵyn jınaqtalǵan mektepter epıdemııalyq ahýal jaqsy bolǵan jaǵdaıda oqýdy dástúrli túrde bastaıdy. Ekinshiden, bastaýysh synyp oqýshylary úshin ata-analardyń ótinishi negizinde qatań sanıtarlyq talaptardy saqtaı otyryp, kezekshi synyptar ashylady», – dedi mınıstr.

Bul jaǵdaıda oqýshylar tek bir kabınette bir muǵalimmen oqıtyn bolady. Al úzilister ártúrli ýaqytta bolady.

«Synyptaǵy bala sany 15-ten aspaıdy. Kezekshi synyptarǵa ótinish elektrondy túrde qoljetimdi baılanys quraldary arqyly qabyldanady. Sonymen, aldyn ala boljam boıynsha ınternet platformalar men teledıdardy paıdalana otyryp, qashyqtan oqytý formatynda 2,6 mln oqýshy, kezekshi synyptarda 530 myń bala, shtattyq túrde aýyldarda 157 myńnan astam oqýshy bilim alady dep kútilýde», – dedi vedomstvo basshysy.

Sońǵy jańalyqtar