4 Tamyz, 10:17 2112 0 Jańalyqtar Asyl TUMAR

Kitaphana júıesiniń basshysy 10 mıllıon teńge jymqyrǵan

Pavlodar oblysy boıynsha ishki memlekettik aýdıt departamenti memleket qazynasynan aqsha jymqyrý faktisin anyqtady.

«Pavlodar oblysy boıynsha Ishki memlekettik aýdıt departamenti «Jelezın aýdanynyń Ortalyqtandyrylǵan kitaphana júıesi» kommýnaldyq memlekettik mekemesinde mekeme basshysy men qyzmetkerlerine jalaqyny esepteý jáne aýdarý kezinde Qazaqstan Respýblıkasy zańnamasynyń normalaryn saqtaý máselesi boıynsha memlekettik aýdıt júrgizdi. Aýdıt barysynda mekeme býhgalteri 2013-2019 jyldar aralyǵynda mekeme basshysy men býhgalterdiń jeke esepshotyna negizsiz aqsha aýdarǵany anyqtaldy», – dep habarlady Pavlodar oblysy boıynsha ishki memlekettik aýdıt departamenti ókilderi.

Sybaılastar 10 mln teńge kólemindegi memleket qarajatyn ıemdenip alǵan.

«Pavlodar oblysy Jelezın aýdandyq sotynyń 2020 jylǵy 27 shildedegi sheshimi negizinde mekeme basshysy men mekeme býhgalterine aýyr sybaılas jemqorlyq qylmysy úshin tórt jyl alty aı merzimge bas bostandyǵyn shekteý jazasy taǵaıyndaldy», – dep tolyqtyrdy departament ókilderi.

Sheshim zańdy kúshine engen joq.

Sońǵy jańalyqtar