3 Tamyz, 11:22 500 0 Aımaq Anar LEPESOVA

"Páter alyp beremin": Qyzylorda turǵynyn aldap soqqan alaıaq ustaldy

Qyzylorda qalasynyń turǵynyn aldaǵan alaıaq jaýapkershilikke tartyldy,  dep habarlaıdy Polisia.kz.

Qyzylorda qalasynyń turǵyny ákimshilikte jumys jasaıtyndyǵyn aıtyp, kóp qabatty úılerden páter alyp beremin degen jeleýmen óziniń tanysynyń  jeke kýáligi men bank kartasyn paıdalanyp, onyń atynan mıkrokredıttik mekemelerden jalpy 305 000 teńge  nesıe rásimdegen. ​Jedel-izdestirý sharalarynyń nátıjesinde Qyzylorda qalasynyń 26 jastaǵy turǵyny ustaldy.

Bul derek boıynsha QR Qylmystyq kodeksiniń 190-babynyń 2-bóliginiń 4-tarmaǵymen “Alaıaqtyq” sotqa deıingi tergep-tekserý amaldary júrgizildi. Tergeý barysynda kúdikti azamatshanyń jasaǵan alaıaqtyq is-áreketi tolyǵymen óz dálelin taýyp, atalǵan is aıyptaý aktisimen sotqa joldandy.

Kúdikti azamatsha óz kinásin tolyǵymen moıyndap, jábirlenýshilerge keltirilgen shyǵyndy tolyq óndirgen. Qyzylorda qalalyq sotynyń úkimi negizinde aıyptalýshyǵa eki jyl merzimge bas bostandyǵynan shekteý jazasy taǵaıyndaldy.

Sońǵy jańalyqtar