2 Tamyz, 15:07 925 0 Jańalyqtar Asyl TUMAR

Elordada erteńnen bastap qandaı nysandar jumys istemeıdi?

3 tamyzdan bastap elordadaǵy karantın sharalary taǵy eki aptaǵa sozyldy. Sondyqtan keı nysandardyń jumysy toqtap turady, – dep jazdy QazAqparat.

Qalanyń bas memlekettik sanıtar dárigeriniń qaýlysyna sáıkes, aımaqtar arasyndaǵy jolaýshylar avtobýsynyń qozǵalysy ázirge toqtaı turady.

Sonymen qatar, saýda-oıyn-saýyq ortalyqtarynyń, saýda úıleriniń, saýda ortalyqtarynyń, jabyq bazarlardyń jumysyna tyıym salynady. Tek onyń ishindegi dárihanalar men tamaq ónimderin ótkizetin shaǵyn marketter, sýpermarketter men gıpermarketter jumys jáne demalys kúnderi saǵat 10.00-den 21.00-ge deıin isteıdi.

Odan bólek, qalanyń barlyq sport uıymdarynda oqý-jattyǵý sabaqtaryna, jıyndarǵa, jarysqa qatysýǵa jáne ótkizýge, bilim ortalyqtarynyń, balalardy damytý ortalyqtarynyń, úıirmelerdiń, balalar men eresekterge arnalǵan kýrstardyń jumysyna shekteý qoıyldy.

Ǵımaratta ornalasqan qoǵamdyq tamaqtaný obektileriniń jumysyn ornalasqan jerine qaramastan tamaqty syrtqa shyǵarý nemese jetkizýge aýystyra otyryp, jumys kestesin saǵat 10.00-den 22.00-ge deıin belgileı otyryp tyıym salý, jabyq azyq-túlik jáne azyq-túlik satpaıtyn bazarlardyń jumysyn toqtatý qarastyrylǵan.

Kosmetıkalyq jáne kosmetologııalyq qyzmetter, manıkıýr jáne pedıkıýr qyzmetterin kórsetetin SPA-ortalyqtar, trenajer zaly, fıtnes-ortalyqtar, sport-saýyqtyrý ortalyqtary, basseınder, akvaparkter, jaǵajaılar, qoǵamdyq monshalar, saýnalar, sulýlyq salondary men shashtarazdar, ortalyqtar men salondar ýaqytsha istemeıdi.

Attrakıondardyń barlyq túri, onyń ishinde ashyq aýada, turǵyn úılerdiń aýlasynda jáne jalpy paıdalaný oryndarynda ornalasqan balalardyń oıyn alańdarynyń jumysyna tyıym salyndy.

Qala saıabaqtarynda, jaǵalaýda, skverlerde balalar men eresekterge arnalǵan quraldar (elektromobıl, qulaıtyn avtomobıl, samokat, gıroskýter) jalǵa berilmeıdi. Kóńil kóterý mekemeleriniń (bılıard, karaoke, boýlıng-ortalyqtar, kompıýterlik klýb, túngi klýb) jumysy toqtaıdy.

Sondaı-aq barlyq mádenıet obektileriniń (teatrlar, konert zaldary, murajaı, kórme) jáne qalanyń barlyq sport nysandarynyń jumysyna tyıym salynady.

Dinge senýshilerdiń meshit, shirkeý, sobor nemese sınagogaǵa barýyna bolmaıdy. Býkmeker keńseleri de istemeıdi.

Sońǵy jańalyqtar