2 Tamyz, 12:40 486 0 Jańalyqtar Asyl TUMAR

«Nur Otan» partııasy medıına ǵalymdarynyń basyn qosty

Álemniń barsha dárigerleri men ǵalymdary koronavırýs indetin toqtatý ári juqtyrǵandardy emdeý jolyn izdeýde. Indettiń bastalǵanyna birshama ýaqyt ótse de ózin jaqsy jaǵynan kórsetken ne emdeý ádisi, ne biryńǵaı pikir áli de joq.

Jınalǵan jumys tájirıbesin taldap qorytý ári ozyq tájirıbeler jóninde aqparat alý maqsatynda Almaty qalasy máslıhatynyń depýtaty Zııatdın Kasanov «Nur Otan» partııasy Almaty qalalyq fılıalymen birlesip, Almaty qalasyna medıına ǵylymynyń doktory, klınıkalyq mıkrobıolog, «Medicana International Istanbul» (Túrkııa) klınıkasynyń vırýstyq aýrýdy zertteý jáne emdeý boıynsha jetekshi mamandardyń biri doktor Djengız Ýzýn (Dr. Cengiz Uzun) myrzany arnaıy shaqyrtqan.

Bul sharany ótkizýdiń basty maqsaty halyqaralyq sarapshylarmen tájirıbe almasý, qazaqstandyq mamandardy COVID-19 boıynsha zamanaýı jolmen dıagnoz qoıý jáne emdeý ádisterimen bólisý.

Sheberlik synybynda tanymal ǵalym «COVID-19 vırýsynan emdeýdiń zamanaýı joldary» atty baıandamasyn oqydy. Ol indettiń aldyn-alý jáne baqylaý mehanızmi, juqtyrǵandardy anyqtaý algorıtmi jáne oqshaýlaý, epıdemıologııalyq zertteý ádisteri, emdeý, dıagnoz qoıý jáne medıınalyq qyzmetkerlerin indetti juqtyrýdan saqtaý erejeleri týraly sóz etti.

Sonymen qatar spıker retinde «Orhýn Medıkal» DO dırektorynyń medıınalyq máseleleri jónindegi orynbasary, sáýlelik dıagnostıka dárigeri Maksım Golýshkın jáne dáriger-terapevt Aıdos Syıqymbaev sóz sóıledi.

– Eń aldymen máslıhat depýtaty Zııatdın Kasanov pen «Nur Otan» partııasynyń Almaty qalalyq fılıalyna osyndaı qajet ári qyzyqty master-klassty uıymdastyrǵanyna alǵysymdy bildiremin. Búgingi shara barlyq sanıtarlyq normalar men hattamalardy saqtaı otyryp uıymdastyrylǵan. Engizilgen karantın jáne juqtyrǵandardy emdeý sharalary indetti jaqyn arada joıady dep senemin, – dedi Aıdos Syqymbaev.

Sharaǵa Almaty qalasynyń densaýlyq saqtaý júıesiniń 30 astam mamandarynyń qatysty.

– Qazaq eline kezdeısoq emes, kásipker, máslıhat depýtaty Zııatdın Kasanov myrzanyń shaqyrýymen keldim. Áriptesterimmen vırýsty juqtyrǵandardy anyqtaý, oqshaýlaý ári emdeý boıynsha jınalǵan tájirıbemmen bóliskenime qýynyshtymyn. Master-klass tájirıbe almasý formatynda ótti. Men de osy saladaǵy qazaqstandyq mamandardan kóp nárse úırendim. Sondaı-aq Zııatdın Kasanov myrzamen indetpen kúresýdi jetildirý boıynsha ortaq josparlarymyz bar. Ol týraly jaqyn arada biletin bolasyzdar, – dep qorytyndylady Djengız Ýzýn.

Sońǵy jańalyqtar