1 Tamyz, 13:19 532 0 Aımaq Anar LEPESOVA

Maqtaaralda karantın tártibin buzǵan 124 adam jaýapkershilikke tartyldy

Maqtaaraldyq polıeıler 1000-ǵa jýyq nysandy tekserip, karantın talaptaryn saqtamaǵandardy anyqtady,  dep habarlaıdy Polisia.kz.

Maqtaaral  APB-niń polıııa qyzmetkerleri jáne basqa da múddeli organ ókilderinen turatyn mobıldi top karantındik sharalardy baqylap, basqa da quqyqbuzýshylyqtardyń boldyrmaý maqsatynda aldyn alý jáne tekserý  jumystaryn júrgizýde. Tártip saqshylary reıdtik is-sharalar barysynda 1000-ǵa jýyq nysandy tekserip, karantındik rejım talaptarynyń buzylýyn anyqtady.

Máselen, Maqtaaral  aýdany aýmaǵynda polıeıler búgingi kúnge deıin QR ÁQBtK-niń 425-baby “Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptarynyń, sondaı-aq gıgıenalyq normatıvterdiń buzylýy” boıynsha karantın talaptaryn óreskel buzǵan 124 adamdy anyqtap, ákimshilik hattama toltyrdy.

Osy jaıttarǵa baılanysty jınaqtalǵan is-qujattary tıisti sheshim qabyldaý úshin QR Densaýlyq saqtaý mınıstrliginiń Túrkistan oblysy boıynsha Taýarlar men qyzmetterdiń sapasy men qaýipsizdigin baqylaý komıtetine jiberildi.

Odan bólek, aýdandyq polıeıler turǵyndardyń belgilenbegen oryndarda sýǵa túsýine tyıym salyp, qaýipsizdik sharalaryn eskertýde. Osy baǵytta júrgizilgen tekserý jumystary aıasynda QR ÁQBtK-niń 364-baby “Jalpy sý paıdalaný erejelerin buzý” boıynsha 431 jaıt tirkelip, olarǵa ákimshilik hattama toltyryldy.  .

Sońǵy jańalyqtar