31 Shilde, 22:15 472 0 Jańalyqtar Asyl TUMAR

«Nur Otan» partııasy turmystyq zorlyq-zombylyqtan zardap shekken áıelge kómektesti

Partııa Aısulý Baıtykova ushyrasqan jaǵdaıdan tys qalǵan joq. Búgin Qarabalyq aýdandyq partııa fılıaly tóraǵasynyń birinshi orynbasary R.Kóshekbaeva Qarabalyq aýdandyq polıııa bólimi bastyǵynyń m.a., polıııa maıory S.Saǵıdýllaev jáne áıelderdi zorlyq-zombylyqtan qorǵaý ınspektory, polıııa kapıtany Irına Shevchenkomen birge Aısulýǵa baryp, hal-jaǵdaıyn bildi.

Qarabalyq aýdanynyń ákimdigimen birlesip ótkizilgen áńgimelesýdiń nátıjesi boıynsha A.Baıtykovaǵa Qarabalyq orta mektebine 2020 jyldyń 10 tamyzynan bastap bastaýysh páni muǵalimi bolyp jumysqa ornalastyrý usynyldy.

Sondaı-aq, Aısulýǵa Daǵdarys ortalyǵynyń qyzmetteri de usynyldy, alaıda ol budan bas tartty. Qarabalyq aýdanynyń polıııa bólimi Aısulýdyń burynǵy kúıeýine qatysty 30 táýlikke qorǵaý nusqamasyn shyǵardy.

Sonymen qatar, partııanyń Qostanaı oblystyq fılıaly turmystyq zorlyq-zombylyqtan zardap shekken Aısulý Baıtykovaǵa kómek kórsetý týraly sheshim qabyldady.

«Zańgerlik kómek» partııalyq jobasy aıasynda Aısulýǵa aqysyz negizde jan-jaqty zańdyq kómek kórsetiledi. Sotta Aısulýdyń múddesin Qostanaı advokattar alqasynyń advokaty, «Qazaqstan zańgerler odaǵy» RQB KQ múshesi Chýmak Alla Aleksandrovna qorǵaıdy. Aısulý talap aryz jasaý jáne quqyqtyq kómek kórsetý úshin 2020 jylǵy 3 tamyzda saǵat 11.30-da partııanyń oblystyq fılıalyna shaqyryldy.

Ol «Nur Otan» partııasyna nazar aýdaryp, kómek kórsetkeni zor alǵysyn bildirdi.

Sońǵy jańalyqtar