31 Shilde, 18:57 884 0 Jańalyqtar Asyl TUMAR

BAÁ ıtterdiń kómegimen koronavırýsty anyqtap jatyr

Birikken Arab Ámirliginde (BAÁ) Covid-19-dyń taralýyn shekteý boıynsha júrgizilip jatqan profılaktıkalyq jáne aldyn-alý jumystarynda jańa jetistikke qol jetkizdi. Bul týraly QazAqparat WAM-ǵa silteme jasap jazdy. 

BAÁ áýejaılarynda polıııa ıtterin koronavırýsty juqtyrǵan jolaýshylardy anyqtaý úshin paıdalana bastady. BAÁ álemde bul ádisti tájirıbede qoldanǵan alǵashqy el bolyp sanalady.

Aıta ketý kerek, adam aǵzasynda ólimge ákeletin vırýsty anyqtaýǵa arnalǵan bul ádis álemniń kóptegen elderinde zerttelip jatyr. BAÁ ádisi adamnyń jáne janýarlar densaýlyǵy qaýipsizdiginiń eń joǵary standarttaryna sáıkes ıtter men zattar arasyndaǵy tikeleı baılanystyń aldyn alatynymen erekshelenedi.

Tájirıbelik qoldaný aldynda qajetti zertteýler, sonymen qatar ártúrli elderdiń sarapshylarymen yntymaqtastyq ornatyldy. Covid-19 jaǵdaıyn anyqtaýda ıtterdi qoldaný týraly pikirtalastar men teorııalyq zertteýler kúshti ıis sezimin eskere otyryp júrgizildi.

Osylaısha, ıtterdi polıııa patrýlderimen qatar saýda ortalyqtarynda, is-sharalarda, áýejaıda jáne basqa da ómirlik mańyzdy nysandarda paıdalanýǵa bolady degen sheshim qabyldandy.

Áýejaılarda koronavırýsty anyqtaý ádisiniń elge keletin jolaýshylarǵa naqty qoldanylýyn baqylaý úshin arnaıy toptar jumys isteıdi. Birneshe sekýndtyń ishinde ıt adamda vırýstyń bolý-bolmaýyn onyń qoltyǵynan alynǵan ıisti synamasyn ıiskeý arqyly anyqtaı alady.

Bul ádis halyqaralyq áýejaılardyń birtindep ashylýy men reıster sanynyń ósýi jaǵdaıynda áýejaıda jolaýshylardyń qaýipsizdigin jaqsartýǵa arnalǵan qosymsha shara retinde qarastyrylady.

 

Sońǵy jańalyqtar