30 Shilde, 18:21 1306 0 Jańalyqtar Asyl TUMAR

Sátbaev qalasynda buzaqylyq jasaǵany úshin 15 adam ustaldy

Polisia.kz saıtynyń habarlaýynsha, 24 shildege qaraǵan túni Sátbaev qalasynda bir top azamat buzaqylyq jasady. Tas-taıaqpen qarýlanǵan jastar toby bes jasar qyzdy zorlady degen kúdikpen ustalǵan adamdy óz betimen jazalaýǵa umtylyp, polıııa ǵımaratyna kirýge árekettengen. Polıııa qyzmetkerleri bul buzaqylyqtyń jolyn kesti.

Alaıda basbuzarlar jolyndaǵyny qıratyp, aıtarlyqtaı materıaldyq zııan keltirdi. Olar qaqpany, aýladaǵy adamdar oryndyqtardy, qaza tapqan polıııa qyzmetkerlerine arnalǵan eskertkishti, polıııa ǵımaratynyń aýmaǵyndaǵy shamdardy, terezelerdiń áınekterin syndyrǵan.

Sondaı-aq, syrtqy beınebaqylaý kameralary men qyzmettik avtokólik búlingen. Keltirilgen zalaldardy baǵalaý júrgizilýde.

QR Qylmystyq kodeksiniń úsh baby («Buzaqylyq» «Bótenniń múlkin qasaqana joıý nemese búldirý», «Quqyq qorǵaý organy qyzmetkeriniń ómirine qol suǵýshylyq») boıynsha sotqa deıingi tergeý bastaldy.

Qazirgi ýaqytta buzaqylyq áreketterdi uıymdastyrýshylar men belsendi qatysýshylar anyqtalyp, ustaldy. ÝUI-ǵa 15 adam qamaldy. Barlyq tergeý áreketteri qoldanystaǵy zańnama aıasynda júrgizilýde.

Ustalǵandarǵa qatysty azaptaý jáne quqyqqa qarsy áreketter jasaý týraly áleýmettik jeliler men messendjerlerde taratylyp jatqan habarlamalar negizsiz. Habarlamalardyń avtorlary men jalǵan aqparatty taratýshylarǵa qatysty qylmystyq jaýapkershilik qarastyrylǵany eskertiledi.

Ishki ister organdary Sátbaev qalasynda qaýipsizdikti qamtamasyz etý boıynsha barlyq qajetti sharalardy qabyldaǵanyn atap ótý qajet. Polıııa qyzmetkerleri atys qarýyn qoldanbaı, ustamdylyq tanytyp, qoǵamdyq tártipti buzýdyń jolyn kesti. Tergeý jalǵasýda.

Sońǵy jańalyqtar