30 Shilde, 14:40 547 0 Jahan Anar LEPESOVA

COVID-19: Ózbekstanda antırekord jańartyldy

Ótken táýlikte Ózbekstanda 692 adamnan koronavırýs anyqtalyp, indetke shaldyqqandardyń jalpy sany 22 585-ke jetti. 

Bul týraly Ózbekstannyń koronavırýs jónindegi respýblıkalyq arnaıy komıssııasy habarlady.

«Antı-rekord jańartyldy - búgin Ózbekstanda 692 (!) adamǵa koronavırýs dıagnozy qoıyldy, 365 naýqas hal ústinde jatyr, 172-siniń jaǵdaıy aýyr», - delingen komıssııa habarlamasynda.

Elde bir táýlik ishinde 5 naýqas qaıtys boldy. Marqumdardyń biri - júkti áıel.

Sondaı-aq, bir kúnde 672 naýqastyń aýrýhanadan shyqqany belgili boldy. Osylaısha elde indetten aıyqqandardyń jalpy sany 12 937 adamǵa jetip otyr.

Aıta keteıik, Djons Hopkıns ýnıversıtetiniń sońǵy deregi boıynsha álemde koronavırýs juqtyrǵandar sany 17 mıllıonnan asyp jyǵyldy. Indetten 667 myńnan asa adam qaıtys boldy.

Elimizdegi epıdemıologııalyq ahýalǵa kelsek, búgingi kúnge deıin Qazaqstanda qaterli vırýs 88 myńǵa jýyq adamnan anyqtaldy. 57 myńnan asa adam emdelip shyqty. 793 otandasymyz kóz jumdy.

 

Sońǵy jańalyqtar