30 Shilde, 14:24 4626 0 Qoǵam Anar LEPESOVA

Koronavırýs sýda qansha ýaqyt belsendiligin saqtaıtyny anyqtaldy

Reseı ǵalymdary koronavırýstyń sýdaǵy belsendiligi qansha ýaqytta joıylatynyn anyqtady, dep habarlaıdy RIA Novostı.

Rospotrebnadzordyń "Vektor" ortalyǵynda júrgizilgen zertteý nátıjesine súıensek, koronavırýstyń barlyq derlik bólshegi (90%) bólme temperatýrasyndaǵy sýda 24 saǵat, al 99,9%-i 72 saǵattyń ishinde óledi eken.

Mamandar hlorsyz sýda jáne teńiz sýynda vırýs kóbeımeıtinin, biraq ómirsheńdigin saqtaıtynyn anyqtady. Koronavırýs belsendiliginiń joıylý ýaqyty sý temperatýrasyna táýeldi. Qaınaǵan sýda jáne hlorlanǵan sýda vırýs joıylady.

Aıta keteıik, Djons Hopkıns ýnıversıtetiniń sońǵy deregi boıynsha álemde koronavırýs juqtyrǵandar sany 17 mıllıonnan asyp jyǵyldy. Indetten 667 myńnan asa adam qaıtys boldy.

Búgingi kúnge deıin Qazaqstanda qaterli vırýs 88 myńǵa jýyq adamnan anyqtaldy. 57 myńnan asa adam emdelip shyqty. 793 otandasymyz kóz jumdy.

Sońǵy jańalyqtar