16 Shilde, 16:15 426 0 Jańalyqtar Asyl TUMAR

Medıına qyzmetkerlerine 2 mln teńgeden ótemaqy tólene bastady

Qazaqstanda koronavırýs ınfekııasyn juqtyrǵan medıına qyzmetkerlerine ótemaqy tóleý bastaldy. Bul týraly QR Eńbek jáne halyqty áleýmettik qorǵaý mınıstri Birjan Nurymbetov málimdedi.

«Bul ótemaqy Densaýlyq saqtaý men Eńbek jáne halyqty áleýmettik qorǵaý mınıstrlikteriniń birlesken buıryǵyna sáıkes tólenedi. Tólem operatory retinde Memlekettik áleýmettik saqtandyrý qory bekitilgen. Ótemaqy tóleýge ótinishterdi óńirlik densaýlyq saqtaý basqarmalary komıssııanyń tıisti sheshimderi negizinde jiberedi», – dep atap ótti mınıstr.

Mınıstrdiń aıtýynsha, búgin saǵat 14:00-degi jaǵdaı boıynsha, ótemaqy tóleýge 6 óńirden 123 ótinish kelip túsken.

«Ereje boıynsha úsh jumys kúninde Memlekettik áleýmettik saqtandyrý qory bul azamattarǵa 2 mln teńgeden tóleýi tıis. Qarajat ótinimde kórsetilgen rekvızıtterge jiberiledi. 123 ótinim ishinde qyzmet babymen qaıtys bolǵan medıına qyzmetkerleri joq. Olar boıynsha áli ótinim berilmedi», – dedi B.Nurymbetov.

Eske sala ketsek, qyzmet barysynda koronavırýs ınfekııasyn juqtyrǵan medıına qyzmetkerine – 2 mln teńgeden, qaıtys bolǵan qyzmetkerdiń otbasyna 10 mln teńge ótemaqy bekitilgen edi.

Sońǵy jańalyqtar