16 Shilde, 13:20 842 0 Jańalyqtar Anar LEPESOVA

Elimizde koronavırýstan 51 medıına qyzmetkeri qaıtys boldy

Elimizde koronavırýs indetinen 51 medıına qyzmetkeri kóz jumǵan. Bul týraly QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev aıtty. 

«Bizdiń málimetke sáıkes, 51 medıına qyzmetkeri kóz jumǵan. Olardyń týǵan-týystary men jaqyndarynyń qaıǵysyna ortaqtasa otyryp, kóńil aıtamyz. Memleket basshysy 13 shildede ómirden ótken áriptesterimizdi memlekettik nagradalarmen marapattady, 42 medıına qyzmetkeri marapat aldy. Ótemaqyǵa kelsek, árbir jaǵdaıdy jeke zertteıtin tıisti mehanızm bar. Osydan keıin aqparat Densaýlyq saqtaý mınıstrligine joldanady. Densaýlyq saqtaý mınıstrligi aqparatty tekserip, málimetterdi Eńbek jáne halyqty áleýmettik qoldaý mınıstrligine joldaıdy. Sodan keıin Memlekettik áleýmettik saqtandyrý qorynan tólem aýdarylady», - dedi komıtet basshysy.

Eske sala keteıik, buǵan deıin Tımýr Sultanǵazıev Qazaqstanda koronavırýsqa shaldyqqan 306 adamnyń jaǵdaıy aýyr ekenin málimdegen bolatyn. Onyń ishindegi 41 naýqastyń ahýalyn mamandar óte aýyr dep baǵalap otyr.

 

Sońǵy jańalyqtar