16 Shilde, 12:40 455 0 Densaýlyq Anar LEPESOVA

COVID-19: Qazaqstanda 306 naýqas aýyr halde jatyr

Qazaqstanda koronavırýsqa shaldyqqan 306 adamnyń jaǵdaıy aýyr. Onyń ishindegi 41 naýqastyń ahýalyn mamandar óte aýyr dep baǵalap otyr. Bul týraly QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev málimdedi. 

«Qazirgi ýaqytta aýyr jaǵdaıdaǵy naýqastarymyz jansaqtaý men anestezıologııa bóliminde emdelip jatyr. Olardyń sany – 306 adam. Aýyr jaǵdaıda 265 syrqat, óte aýyr jaǵdaıdaǵy 41 naýqas bar. Ókpeni jasandy jeldetý apparatyna qosylǵan 67 naýqas (koronavırýs juqtyrǵan) em qabyldaýda. Invozıvti emes ókpeni jasandy jeldetý apparatynda 133 syrqat jatyr. Ózinshe demalatyn oksıgenoterapııa alyp jatqan syrqattardyń sany – 106. Óz betinshe demalatyn naýqastardyń sany – 9265 naýqas», - dedi komıtet tóraǵasy.

T.Sultanǵazıevtiń sózinshe,  osy jarty jyldyqta Qazaqstanda 98 myń adam adam pnevmonııaǵa shaldyqqan. Ótken jylmen salystyrǵanda ósim 50 paıyzdan asqan.

Eske sala keteıik, buǵan deıin QR Densaýlyq saqtaý vıe-mınıstri Lıýdmıla Bıýrabekova elimizde ókpe qabynýy koronavırýs statıstıkasynda nelikten esepke alynbaıtyndyǵyn túsindirgen bolatyn.

«Biz qazir halyqaralyq uıymdarmen, Dúnıejúzilik densaýlyq saqtaý uıymymen kelissóz júrgizip jatyrmyz. Búgingi kúni DSU usynymyna sáıkes, statıstıkaǵa PTR-diń oń nátıjesi bar jaǵdaılar ǵana kirip otyr», – dedi ol.

 

Sońǵy jańalyqtar