16 Shilde, 12:24 556 0 Zań Anar LEPESOVA

Jasóspirimdi zorlaǵan qaskóı polıeılerden qashý kezinde 12 qabattan sekirip ketti

Sýret ınternetten alyndy
Sýret ınternetten alyndy

Almatyda úı tonap, kámeletke tolmaǵan jasóspirimdi zorlady dep kúdiktelgen er azamat quqyq qorǵaý organdary qyzmetkerlerinen qashý kezinde 12 qabattan sekirip ketken.

Bul týraly Polisia.kz habarlady.

Polıııa qyzmetkerleri Ekibastuzdan kelgen 31 jastaǵy azamatty kámelettik jasqa tolmaǵanǵa qaraqshylyq shabýyl jasady jáne zorlady degen kúdikpen ustaǵan.

"Bul qylmys 11 shildede jeke sektor aýmaǵynda boldy. Túski ýaqytta belgisiz bireý Pokrovskaıa kóshesindegi úılerdiń birine kirgen. Sol sátte úıde 4 jasar ul bala men onyń 15 jastaǵy ápkesi bolǵan. Qaskóı olardy pyshaqpen qorqytyp, 17 myń dollardy ıemdenip, sodan keıin qyzdy qorlaǵan. Osy asa aýyr qylmysty ashý úshin arnaıy tergeý-jedel toby quryldy. Jedel jáne arnaıy sharalardyń nátıjesinde kúdiktiniń jasyrynǵan meken-jaıy anyqtaldy. Ol páter ál-Farabı dańǵylyndaǵy turǵyn úı keshenderiniń biriniń 12-qabatynda ornalasqan. Qamaýǵa alý kezinde Sh. qashyp ketýge tyrysty.  Ol ashyq terezeden sekirip túsip, tómendegi qabattaǵy terrasaǵa qulady, onyń artynan óz ómirine qaýip tóndirip, polıııa maıory Baqytjan Bakırov júgirip ketti. Aıaǵy synǵanyna qaramastan, ol kúdiktini ustap, qashyp ketýine jol bermedi", - deıdi Túrksib aýdandyq polıııa basqarmasynyń basshysy Erkin Amantaev.

Qazirgi ýaqytta tergeý Qylmystyq kodekstiń eki baby: QR QK 192-baby 4-bóligi jáne QR QK 120-baby 4-bóligi boıynsha júrgizilýde. Kúdikti ýaqytsha ustaý abaqtysyna qamaldy.

Sonymen birge, Almaty qalalyq polıııa deptarmenti asa qaýipti qylmyskerdi ustaýda kórsetken qaısarlyǵy úshin maıor Bakırov maraptqa usynylatynyn aıtty.

Sońǵy jańalyqtar