16 Shilde, 09:47 581 0 Jahan Anar LEPESOVA

Brazılııada koronavırýs qurbandarynyń sany 75 myńnan asyp jyǵyldy

Brazılııada sońǵy táýlikte 41 857 adamnan koronavırýs anyqtaldy. Bir táýlik ishinde indetten 1300 adam kóz jumdy. Bul týraly eldiń densaýlyq saqtaý mınıstrligi habarlady.

Elde indet qurbandarynyń sany 75 myńnan asyp jyǵyldy. Koronavırýstan qaıtys bolǵandar sany dúısenbimen (13 shilde) salystyrǵanda 1,7 paıyzǵa artqan.

Indet taralǵaly Brazılııada koronavırýsqa shaldyqqandar sany 1,9 mıllıonnnan asty. Naýqastardyń 1,2 mıllıonnan astamy emdelip shyqqan.

Djons Hopkıns ýnıversıtetiniń sońǵy deregi boıynsha álemde 13,5 mıllıonnan asa adamnan qaterli vırýs anyqtaldy. Indetten jahanda 583 myńnan astam naýqas qaıtys boldy.

3,5 mıllıonnan asa turǵyny indetke shaldyqqan AQSh koronavırýs juqtyrǵandar sany jóninen dúnıejúzinde kósh bastap tur. Ekinshi orynda – Brazılııa. Indet juqtyrýdyń 936 myńnan asa deregi tirkelgen Úndistan úshinshi orynǵa shyqty.

Aıta keteıik, sońǵy táýlikte Qazaqstanda 1674 adamnan koronavırýs anyqtalyp, elimizde indetke shaldyqqandardyń jalpy sany 65 myńnan asty. 39 myńnan asa adam emdelip shyqty. 375 naýqas kóz jumdy.

Sońǵy jańalyqtar