15 Shilde, 21:22 474 0 Jahan Anar LEPESOVA

Dúkenge maskasyz kirgender aıyppul arqalaıdy

Sýret ınternetten alyndy
Sýret ınternetten alyndy

Dárihanaǵa nemese dúkenge maska taqpaı kirgenderge aıyppul salynady. Bul týraly Ádilet mınıstri Marat Beketaev málimdedi.

«Kóshege shyǵyp júgirýge, serýendeýge bolady. Úsh adamǵa deıin júrgenderge eshqandaı jaýapkershilik júktelmeıdi. Tipti siz dalaǵa maskasyz shyqsańyz da eshqandaı jaýapkershilikke tartylmaısyz. Alaıda eger dúkenge nemese dárihanaǵa maskasyz kirseńiz, jaýapkershilik bolady. Óıtkeni ol – jabyq nysan», - dep túsindirdi mınıstr.

Aıta keteıik, buǵan deıin Marat Beketaev karantındik shekteýlerge qaramastan toı-tomalaq ótkizgenderge qandaı jaza qoldanylatynyn aıtqan bolatyn.

Mınıstrdiń sózinshe, alǵashqy jaǵdaıda aıyptalýshyǵa 83 myń teńge kóleminde aıyppul salynady. Eger mundaı sharalar jasaý barysynda azamattar jappaı vırýs juqtyrsa, aıyppuldyń kólemi aıtarlyqtaı kóp bolady. Al oqıǵanyń saldary jaǵymsyz jaǵdaıǵa aparsa, qylmystyq is qozǵalýy yqtımal.

 

 

Sońǵy jańalyqtar