15 Shilde, 16:18 703 0 Densaýlyq Anar LEPESOVA

Indetpen kúres kezinde qaıtys bolǵan dárigerlerdiń otbasyna 1 mln teńgeden berildi

Koronavırýs indetimen kúreste kásibı boryshyn atqarý kezinde qaza tapqan shymkenttik toǵyz dáriger "Qurmet", "Parasat", "Barys" ordenimen marapattaldy.

Memlekettik nagradany qala ákimi Murat Áıtenov saltanatty jaǵdaıda marqumdardyń otbasyna arnaıy baryp tabystady. Budan bólek, ár otbasyǵa materıaldyq kómek retinde "Qaıyrymdy qala" qorynan  bólingen 1 mıllıon teńge kóleminde qarjy berildi.

Qaza tapqandardyń týystary men jaqyndaryna kóńil aıtqan qala basshysy qyzmettik boryshyn úlgili atqaryp, azamattardyń densaýlyǵyn saqtaýdaǵy tabandy eńbekterin erekshe atap ótti.

Esterińizge salsaq, Prezıdent Qasym-Jomart Toqaev 2020 jylǵy 13 shilde kúni qyzmettik boryshyn atqarý ústinde kórsetken janqııarlyǵy úshin medıına salasynyń marqum bolǵan birqatar qyzmetkerlerin marapattaý týraly Jarlyqqa qol qoıǵan bolatyn.

Marapat ıeleriniń qatarynda aýrýhanalar men medıınalyq ortalyqtardyń dárigerleri, bólim meńgerýshileri, ınfekıonıster, sonymen qatar medıınalyq jedel járdem stanııasynyń dárigerleri bar.

Atap aıtqanda, "Qurmet" ordenimen marapattalǵandar:

- "Qalalyq dıagnostıkalyq ortalyq" MKK-niń dárigeri Kúrekbaeva Baýyrjan Ordabekuly

- "Qalalyq dıagnostıkalyq ortalyq" MKK-niń dárigeri Mamaev Hasym Mahmýdovıch

- "№1 qalalyq klınıkalyq aýrýhana" MKK-niń dárigeri Málibekov Jánibek Jumashuly

- "№8 qalalyq emhana" MKK-nyń aǵa medbıkesi Álmahanova Qafıza Batyrhanqyzy

- "№1 qalalyq klınıkalyq aýrýhana" MKK-nyń aǵa medbıkesi Baımenova Gaýhar Ashtaıqyzy

- "Jedel medıınalyq járdem stanııasy" MKK feldsheri Áýelbaev Tımýr Aıdarhanuly.

"Parasat" ordenimen marapattalǵan:

- "№1 qalalyq klınıkalyq aýrýhana" MKK-niń bólim meńgerýshisi Abdıkýlova Marııam Qabylbekqyzy.

I-dárejeli "Barys" ordenimen marapattalǵan:

- "№ 1 Qalalyq emhana" ShJQ MKK terapııa bóliminiń meńgerýshisi Tajdenova Aǵzıpa Nasyrqyzy.

III-dárejeli "Barys" ordenimen "№1 qalalyq klınıkalyq aýrýhana" MKK-nyń bólim meńgerýshisi Sadıev Orynbasar Alıpbekuly

Sońǵy jańalyqtar