14 Shilde, 21:12 637 0 Bilim Anar LEPESOVA

Bilim grantyna úmitkerler qandaı qujattar tapsyrýy tıis – BǴM túsindirdi

Sýret ınternetten alyndy
Sýret ınternetten alyndy

Elimizdegi karantınge baılanysty talapkerlerden bilim grantyn taǵaıyndaý konkýrsyna qatysý jónindegi ótinish qabyldaý merzimi 25 shildege deıin uzartyldy. 

Bilim jáne ǵylym mınıstrliginiń málimetine súıensek, memlekettik bilim grantyn taǵaıyndaý konkýrsyna qatysý úshin talapker Egov.kz elektrondy úkimet portaly arqyly ótinish, bilimi týraly qujat (attestat) jáne jeke kýálik kóshirmesin ótkizýi qajet. Al medıınalyq anyqtamalar ázirge talap etilmeıdi.

Mamandardyń aıtýynsha, UBT sertıfıkaty júıede avtomatty túrde paıda bolady, sondyqtan ony Egov.kz-ke júkteýdiń qajeti joq. UBT sertıfıkattary elektrondy formatta berilgen bolatyn.

Konkýrs nátıjesi boıynsha memlekettik granttyń berilgeni týraly elektrondy sertıfıkat usynylady. Talapkerlerge qaǵaz sertıfıkatty alý úshin eshqaıda barýdyń qajeti joq.

Grant taǵaıyndaý formaty ózgergen joq, ıaǵnı maýsym aıynda ótken UBT qorytyndysy boıynsha úmitkerler memlekettik bilim grantyn taǵaıyndaý konkýrsyna qatysady. Bıylǵy ózgeshelik – granttar oqý tiline baılanysty bolmaıdy.

Joǵary oqý oryndary talapkerlerdi tamyzdyń 10-25 aralyǵynda oqýǵa qabyldaıdy.

Eske sala keteıik, QR Bilim jáne ǵylym mınıstri búgingi onlaın brıfıngte jańa oqý jylynda kolledj, JOO stýdentterine bilim qashyqtan beriletinin málimdedi. Mınıstrdiń aıtýynsha, dástúrli format jeke keste boıynsha zerthanalyq jumystar, óndiristik oqytý jáne kásibı praktıka úshin ótkiziledi.

 

Tegter bilim berý joo

Sońǵy jańalyqtar