14 Shilde, 19:54 462 0 Densaýlyq Anar LEPESOVA

Mońǵolııada býbon obasynan jasóspirim kóz jumdy

Mońǵolııanyń Gov-Altaı aımaǵynda býbon obasynan 15 jastaǵy jasóspirim qaıtys boldy. Bul týraly eldiń densaýlyq saqtaý mınıstrligine silteme jasap Gazeta.ru habarlady.

"PTR test nátıjesi 15 jastaǵy jetkinshektiń ólimine býbon obasy sebep bolǵanyn kórsetti", – dedi eldiń densaýlyq saqtaý mınıstrliginiń ókili Dorjıın Narangerel.

Basylym dereginshe, jasóspirim aýrýhanaǵa bara jatqan jolda kóz jumǵan. Qaıtys bolardan úsh kún buryn marqum sýyr jegen eken. Atalǵan janýarlar ádette obany tasýshy bolyp tabylady. Aýrýdyń odan ári taraýyna jol bermeý úshin jasóspirimniń jaqyndary karantınge alyndy.

Buǵan deıin býbon obasymen eldiń Baıan-Nur aımaǵynda sharýa qojalyǵynyń jumysshylary aýyrǵan. Sondaı-aq Mońǵolııanyń Reseımen shektesetin óńirinde eki adamnan osy aýrý anyqtalǵan.

Sońǵy jańalyqtar