13 Shilde, 13:58 387 0 Jahan Anar LEPESOVA

Tramp alǵash ret kópshilik aldyna maska kıip shyqty

AQSh prezıdenti Donald Tramp pandemııa bastalǵaly alǵash ret kamera aldyna betperde kıip shyqty. Bul oqıǵa senbide, elde indet juqtyrǵandar sany boıynsha kezekti antırekord (66 myń adam) tirkelgen kúni boldy, dep jazady BBC.

Sol kúni Tramp jaralanǵan áskerılermen jáne olarǵa qyzmet kórsetip jatqan medıına mamandarymen kezdesý úshin Vashıngton syrtyndaǵy Ýolter Rıd atyndaǵy áskerı gospıtalǵa attanǵan bolatyn.

«Maska taǵý keremet dep oılaımyn. Men eshqashan betperdege qarsy bolǵan joqpyn. Biraq ár nárseniń óz ýaqyty jáne orny bar dep esepteımin», – dedi Aq úı basshysy rezıdenııasynan shyǵyp bara jatyp.

Jergilikti BAQ-tyń habarlaýynsha, kómekshileri Tramptan kópshilik ortasynda maska kııýdi birneshe márte ótingen. Alaıda ol jıyndarda, baspasóz máslıhattarynda jáne ózge de buqaralyq sharalar kezinde betperde kııýden bas tartqan.

Assosiated Rress derekkóziniń aıtýynsha, AQSh basshysy maska taqqanda álsiz bolyp kórinemin dep qoryqqan. Sondaı-aq, Tramptyń pikirinshe, betperde kııý «jurt nazaryn densaýlyq saqtaý júıesindegi daǵdarysqa aýdarýy múmkin».

AQSh koronavırýs juqtyrǵandar sany jóninen álemde kósh bastap keledi. Djons Hopkıns ýnıversıtetiniń sońǵy deregi boıynsha, Amerıkada 3,3 mıllıonnan asa adam indetke shaldyqqan. Qaterli vırýstan 135 myńnan astam naýqas kóz jumǵan.

Aıta keteıik, buǵan deıin AQSh-ta koronavırýstan kóz jumý kórsetkishi artady dep boljanyp otyrǵanyn habarlaǵanbyz. Eldiń densaýlyq saqtaý mınıstriniń kómekshisi Brett Jırýardyń aıtýynsha, kúzde indettiń ekinshi tolqynynyń bastalý yqtımaldyǵy joǵary. Óıtkeni vırýs amerıkalyqtardyń 90 paıyzyn áli sharpyp úlgermegen.

Sońǵy jańalyqtar