13 Shilde, 12:25 462 0 Densaýlyq Anar LEPESOVA

Ótken táýlikte álemde koronavırýs juqtyrýdyń rekordtyq kórsetkishi tirkeldi

Sýret ınternetten alyndy
Sýret ınternetten alyndy

Dúnıejúzilik densaýlyq saqtaý uıymy ótken táýlikte álem boıynsha koronavırýs juqtyrǵandardyń rekordtyq kórsetkishi tirkelgenin habarlady.  

Uıym dereginshe, 12 shilde kúni álemde 230 370 adamnan qaterli vırýs anyqtaldy. Bir táýlikte indetten 5 285 adam kóz jumdy. Álemde koronavırýs juqtyrǵandardyń jalpy sany 12 552 765 adamǵa jetip otyr. Olardyń basym bóligi (6,5 mln-nan astam adam) – Soltústik jáne Ońtústik Amerıka elderiniń turǵyndary.

Aıta keteıik, buǵan deıin Brazılııada sońǵy táýlikte 39 myń adamnyń koronavırýs juqtyrǵanyn habarlaǵanbyz. Elde qaterli vırýsty juqtyrǵandardyń jalpy sany 1 mln 800 myńǵa jetken. Indetten kóz jumǵandar sany 71 myńnan asyp jyǵyldy.

Al Qazaqstandaǵy epıdemıologııalyq ahýalǵa kelsek, elimizde sońǵy táýlikte 1646 adamnan koronavırýs anyqtalyp, indet juqtyrǵandardyń jalpy sany 60 myńǵa jýyqtady. Bir apta ishinde kesirli keselden 111 naýqas kóz jumyp, indet qurbandarynyń jalpy sany 375-ke jetti.

Sońǵy jańalyqtar