13 Shilde, 09:21 709 0 Qoǵam Anar LEPESOVA

Bárimiz uly murat jolynda jumylýymyz qajet – Dımash Qudaıbergen

Qazaqtyń álemdi moıyndatqan ánshisi Dımash Qudaıbergen Jalpyulttyq aza tutý kúnine oraı áleýmettik jelide pikir bildirip, qazaqstandyqtardy uly murat jolynda jumylýǵa úndedi. 

«Ókinishke qaraı, kúlli álemdi sharpyǵan pandemııa Qazaqstandy da aınalyp ótpedi. Qanshama otbasy qara jamyldy. Kún saıyn men tanıtyn, tanymaıtyn qanshama adam ómirden ótip jatyr. Bul netken qasiret edi... Qazir júregi bar adamnyń tynysh uıyqtaýy múmkin emes...» - dep jazdy ánshi.

Dımash árbir adamnyń ómiri úshin kúresý mańyzdy ekenin aıtty.

«Búgin - Aza tutý kúni! Osy indettiń kesirinen qaıtys bolǵan barlyq adamdy jaratýshy ıemiz panasyna alǵaı! Marqumdardyń týǵan-týystaryna sabyr tileımin. Biz olardy, myna qaraly kúnderdi eshqashan umytpaımyz. Qazirgi mindet – aýyryp jatqandardy aman alyp qalý. Árbir adam úshin kúresýimiz kerek. Bárimiz osy uly murat jolynda jumylýymyz qajet. Tezirek indet aıaqtalyp, mamyrajaı kúnderimiz qaıta keledi dep senemin. Endigi jerde Kók Baıraǵymyz eńkeımegeı!» - deıdi ánshi.

Eske sala keteıik, búgin elimizde koronavırýs pandemııasynyń qurbany bolǵan azamattardy eske alýǵa baılanysty  Jalpyulttyq aza tutý kúni. Nur-Sultan ýaqytymen saǵat 12:00-de búkil el boıynsha bir mınýttyq únsizdik jarııalanady.

Buǵan deıin Elbasy Nursultan Nazarbaev indetten kóz jumǵandardyń týystary men jaqyndaryna kóńil aıtqanyn habarlaǵanbyz.

 

Sońǵy jańalyqtar