14 Shilde, 20:53 657 0 Atajurt Baqytbek Qadyr

Qandasymyz "Lashyn" dárejesin aldy

Mońǵolııanyń Tóv aımaǵynda Uly Mońǵol ulysynyń 814 jyl jáne Halyq revolıýsııasyna 99 jyl tolýyna oraı ulttyq "naadam" merekesin toılady.  Merekede mońǵol ulttyq kúresinen 512 balýyn súsh synasty. Bul balýan  básekesine Baıa-Ólkedegi qazaq balýandaryn da baǵyn synady. Aıtýly dodada dzıýdo, qazaq kúresi jáne mońǵol ulttyq kúresi túrleriniń sheberi, qandasymyz Mustafa Nurlanuly bes balýannyń jaýyrynyn jer ıisketip, memlekettik "Lashyn" atandy.
Lashyn tegeýirindi ári kúshti qustyń biri. Bes jyqqan balýan "Lashyn" balýan atansa, al odan ary memlekettik "qarshyǵa", "pil", "qyran,  "Arystan" jáne Jeńimpaz balýan ataǵy beriledi. 
Mońǵol kúresiniń ataq dárejeleri aýdandyq (sýmyn), aımaqtyq, jáne memlekettik deńgeıde joǵarlaı beredi. Ol ataq jylyna bir ret toılanatyn "naadam" merekesinde ǵana beriledi. ("Qazaqstan barysy" týrnıeri sııaqty.)
Memlekettik ataq alý úshin bes ret jyǵý kerek. Aldymen memlekettik ataqtarǵa jetý úshin ulttyq kúreste aımaqtyq, aýdandyq toılarda jeńip, osy dárejelerdi alý kerek. Bul kúres Uly Mońǵol ulysy ıaǵnı Shyńǵys han zamanynda qalyptasqan. At oıyny, soǵys óneri jáne balýandar kún synady. Bul saltty qazirgi Mońǵolııa eli úzbeı jalǵastyryp keledi. 
 
Mońǵolııanyń Baı-Ólke aımaǵynan Qazaqstan jáne Mońǵolııanyń sport qaıratkeri, memlekettik qarshyǵa, dańqty bolýan Baqyt Odynaıulynan keıin Serik Berdimuratuly jáne Mustafa Nurlanuly qatarly balýandar mońǵol ulttyq kúresinde úlken dárejege qol jetkizip otyr. Mońǵolııada memlekettik dárejede ataq alý - Olımpııada júldegeri bolýmen bara-bar. Jáne ol balýandar sol dárejesine saı zeınetke shyǵady. 

Sońǵy jańalyqtar