12 Shilde, 19:28 465 0 Densaýlyq Anar LEPESOVA

Amandyq Batalov koronavırýstan aıyqty

Almaty oblysynyń ákimi Amandyq Batalov koronavırýstan aıyǵyp, aýrýhanadan shyqty. Bul týraly aımaq basshysy Facebook paraqshasyna jazdy. 

"Búgin aýrýhanadan shyqtym. Óz tarapymnan meni qoldap, kóńil bildirgen jerlesterime, dostaryma jáne týǵan-týystaryma alǵys bildiremin.

Al aq halatty abzal jandarǵa aıtar alǵysym erekshe. Olardyń erlikke teńerlik eńbegi men isine degen adaldyǵyna tánti boldym. Endi jumysqa kirisip, sizdermen birge indetpen kúresti jalǵastyrmaqpyn. Bir jeńnen bilek shyǵaryp qana osy derttiń betin qaıtara alamyz. Ózderińizge jáne jaqyndaryńyzǵa saýlyq tileımin. - dep jazdy oblys ákimi.

Aıta keteıik, buǵan deıin Qostanaı qalasynyń ákimi Qaırat Ahmetov koronavırýs juqtyrǵanyn habarlaǵanbyz.

Sondaı-aq, Semeı qalasynyń ákimi Ermek Salımovtan da qaterli vırýs anyqtaldy.

Sońǵy jańalyqtar