12 Shilde, 18:46 804 0 Qoǵam Anar LEPESOVA

Qazaqstanda qylmys deńgeıi 37 paıyzǵa tómendedi

Qazaqstanda jarty jyldyń ishinde qylmys 37%-ǵa tómendedi. Bul týraly ishki ister mınıstri Erlan Turǵymbaev málim etti, dep habarlaıdy  Polisia.kz.

Ishki ister organdary karantın sharalaryn qamtamasyz etýden bólek, óziniń negizgi qyzmetin – azamattardyń qaýipsizdigin qamtamasyz etip, qylmyspen kúresip jatyr.

«Birinshi jarty jyldy qorytyndylaıtyn bolsaq, kóptegen baǵyt boıynsha tártipti kúzetý sharalaryn kúsheıtýdiń arqasynda eldegi qylmys jaǵdaıyn aıtarlyqtaı jaqsarttyq. Qoǵamdyq oryndar men kóshelerdegi qylmys sany 40 %-ǵa tómendedi», - dep atap ótti IIM basshysy.

Eldegi jalpy qylmys deńgeıi 37%-ǵa tómendegen (114,6 myńnan 71,8 myńǵa deıin). Sondaı-aq, tonaý, urlyq jasaý jáne buzaqylyq syndy qaýipti qylmystar eki esege azaıǵan. Kámelettik jasqa tolmaǵandardyń tártip buzýy da 13%-ǵa qysqarǵan.

«Otbasy-turmystyq quqyq buzýshylyq sany 21%-ǵa ósti. Osyǵan baılanysty polıııa profılaktıkalyq sharalar qoldanady», - dep atap ótti Turǵymbaev.

 

Sońǵy jańalyqtar