12 Shilde, 17:44 429 0 Jańalyqtar Anar LEPESOVA

COVID-19: Belgııa indettiń ekinshi tolqynyna daıyndalýda

Belgııada shekteý sharalary kúsheıtildi. Buryn el turǵyndary maskany tek qoǵamdyq kólikterde kııýge mindettelse, budan bylaı áleýmettik qashyqtyqty saqtaý qıyndyq týdyratyn barlyq jabyq ǵımarattarda taǵýy tıis.

Atap aıtqanda, dúkender, kınoteatrlar jáne  kitaphanalarǵa betperdesiz kirýge tyıym salynady.

El úkimeti bekitken talaptardy oryndamaǵan azamattarǵa 250 eýro, al kásiporyndarǵa 750 eýro aıyppul salynady. Talap buzý derekteri birneshe márte qaıtalanǵan jaǵdaıda dúkender jabylýy múmkin.

Búginde ólim-jitim sany boıynsha Belgııa álem elderi arasynda kósh bastap tur. Qaıtys bolǵandardyń 40 paıyzǵa jýyǵy COVID-19-ǵa test tapsyrmaǵan. Alaıda mamandar olardy koronavırýstan kóz jumdy degen boljam jasap otyr.

«Biz aýrýlardy baqylaý jáne aldyn alý boıynsha Eýropa ortalyǵynyń usynystaryn oryndadyq. Iaǵnı rastalǵan ǵana emes, sonymen birge barlyq kúdikti jaǵdaılar týraly da habarlandy. Qarttar úıindegi kóptegen naýqas jasy kelgendikten kóz jumdy ma, júregi, ókpesi aýyrdy ma, álde COVID-19 boldy ma? Ol jaǵy belgisiz. Koronavırýstan qaıtys bolýy da múmkin. Sebebi olardyń deni tynys alý joldaryna shaǵymdanǵan», - deıdi Belgııanyń densaýlyq saqtaý mınıstri Meggı De Blok.

Aq halattylar jergilikti halyq jazǵy demalystan oralǵan sátte indettiń ekinshi tolqyny bastala ma dep qaýiptenedi. Sebebi Belgııa shekaralaryn ashqan kóptegen elde epıdemıologııalyq jaǵdaı kóńil kónshitpeıdi. Elge «qyzyl aımaqtan» oralǵan belgııalyqtar eki aptalyq karantındi saqtaýy shart.

Aıta keteıik, buǵan deıin Ózbekstanda karantın kúsheıtiletinin habarlaǵanbyz. Elde 18-19 shilde jáne 25-26 shilde (senbi jáne jeksenbi) kúnderi kólik quraldarynyń, sonyń ishinde taksı qyzmetteriniń qozǵalysy tolyǵymen toqtaıdy.

Sońǵy jańalyqtar