12 Shilde, 16:32 570 0 Ekonomıka Anar LEPESOVA

Dúnıejúzilik bank beretin 500 mln dollar qaıda jumsalady – AShM túsindirdi

Ðîññèÿ. Ìîñêâà. Êóïþðû íîìèíàëîì 100 äîëëàðîâ. Ôîòî Âëàäèìèð Ìàøàòèí/ ÈÒÀÐ-ÒÀÑÑ
Ðîññèÿ. Ìîñêâà. Êóïþðû íîìèíàëîì 100 äîëëàðîâ. Ôîòî Âëàäèìèð Ìàøàòèí/ ÈÒÀÐ-ÒÀÑÑ

Dúnıejúzilik banktiń 500 mln dollary Qazaqstanǵa kezeń-kezeńimen jáne Mal sharýashylyǵyn turaqty damytý jobasyn iske asyrýdyń naqty nátıjelerine qol jetkizilgennen keıin ǵana beriledi.

Bul týraly Aýyl sharýashylyǵy mınıstrliginiń baspasóz qyzmeti habarlady.

Buǵan deıin habarlaǵanymyzdaı,  Dúnıejúzilik bank Qazaqstanǵa kólemdi  nesıe berýge nıetti.  Dúnıejúzilik banktiń sarapshylar toby ázirlegen 2021-2025 jyldarǵa arnalǵan mal sharýashylyǵynyń turaqty damý jobasyn iske asyrýǵa 500 mıllıon dollar (459,8 mıllıon eýro) bólinedi. QR Úkimeti atynan nesıe alýshy Qarjy mınıstrligi.

Dúnıejúzilik bank jobasynyń negizgi maqsaty - úlken eksporttyq áleýetke ıe ári  quny joǵary ónim retinde ekologııalyq taza sıyr etin óndirýdi jáne qazaqstandyq et eksportyn qoldaý. Sol arqyly Qazaqstan ekonomıkasynyń ósýine yqpal etý jáne aýyldyq jerlerde ómir súrý jaǵdaıyn jaqsartý.

Joba aıasynda kelesideı nátıjelerge qol jetkizý josparlanyp otyr:

  • 20 myń fermerge nesıe berý;
  • 100 myń fermerge bilim berý;
  • balama energııa kózderin qoldana otyryp, mal sharýashylyǵynyń ınfraqurylymyn damytýǵa fermerlerge qarjylyq qoldaý;
  • sıyr etin ımporttaıtyn elderdiń talaptaryna sáıkes mal sharýashylyǵy ónimderin baqylaý júıesin qurý;
  • jeke jáne tájirıbelik veterınarlardy shaǵyn jáne orta fermalarǵa qyzmet kórsetýge, sondaı-aq veterınarlyq is-sharalarǵa tartý.

Joba joǵaryda atalǵan is-sharalardy tikeleı qarjylandyrýdy kózdemeıtinin atap ótken jón. Nesıe qarajaty Qazaqstan Respýblıkasynyń agroónerkásiptik keshenin damytýdyń memlekettik baǵdarlamasyn iske asyrýdy qoldaýǵa jumsalady.

Sonymen qatar, jobany iske asyrý kezinde Qazaqstan úshin múlde jańa qarjy quraly - «Nátıjege baǵyttalǵan baǵdarlama» (Program-for-Results – PforR) boıynsha nesıe qoldanylady. Bul mehanızm qarajat  qaryz alýshyǵa qarjy ınstıtýtymen kelisilgen nátıjeler men kórsetkishterge qol jetkizilgende ǵana  tólenetinin qarastyrady.

Sondaı-aq, ındıkatorlar jetistigine  aýdarylatyn qarajat lımıti memleket jumsaǵan qarajat kólemine emes, mal sharýashylyǵy salasyn damytýǵa arnalǵan ındıkatorlar jetistiginiń kórsetkishine baılanysty bolady.

Sońǵy jańalyqtar