12 Shilde, 15:57 969 0 Jahan Anar LEPESOVA

Karantın: Ózbekstanda kólik qozǵalysy tolyǵymen toqtatylady

Ózbekstanda karantın kúsheıtiledi. Respýblıkalyq arnaıy komıssııa osyndaı sheshim qabyldady, dep habarlaıdy uznews.uz.

Respýblıkalyq arnaıy komıssııanyń sheshimine sáıkes, 18-19 shilde jáne 25-26 shilde (senbi jáne jeksenbi) kúnderi kólik quraldarynyń, sonyń ishinde taksı qyzmetteriniń qozǵalysy tolyǵymen toqtaıdy.

Eldiń densaýlyq saqtaý mınıstrliginiń sońǵy málimetinshe, búginde Ózbekstanda koronavırýs juqtyrǵandardyń jalpy sany 12 706-ǵa jetti. Indetten 57 adam kóz jumdy.

Aıta keteıik, buǵan deıin Reseıde qaterli vırýs juqtyrǵandar sany 727 myńnan asqanyn habarlaǵanbyz.

Al Qazaqstanda sońǵy táýlikte 1798 adamnyń koronavırýs juqtyrǵany belgili boldy. Pandemııa bastalǵaly elimizde 58 myńnan astam adamnan indet anyqtaldy.

Sońǵy jańalyqtar