12 Shilde, 12:52 18270 0 Jahan Anar LEPESOVA

AQSh-qa qashyp ketken qytaılyq vırýsolog koronavırýs jaıly shyndyqty jaıyp saldy

AQSh-qa qashyp ketken gonkongtyq vırýsolog Lı-Men Ian Fox News-qa bergen suhbatynda Qytaı bıliginiń koronavırýstyń qaýpi jaıly shyndyqty jasyrǵanyn jaıyp saldy.

Aq halattynyń pikirinshe, Qytaı bıligi koronavırýstyń jańa túri jaıly kópshilikke málimdengen ýaqyttan anaǵurlym erterek  bilgen. Ianniń sózine súıensek, basshylary onyń pandemııa alǵash bastalǵan kezde júrgizgen zertteýlerin kózge ilmegen. «Bul zertteýler kóptegen adamnyń ómirin qutqaryp qalar edi», – deıdi vırýsolog.

Lı-Men Ianniń aıtýynsha, onyń dostarynyń biri, Qytaıdaǵy Aýrýlardyń aldyn alý jáne baqylaý jónindegi ortalyqtyń ǵalymy koronavırýstyń adamnan adamǵa juǵatynyn Qytaı nemese Dúnıejúzilik densaýlyq saqtaý uıymy taralýdyń mundaı túrin resmı túrde moıyndaǵannan áldeqashan erte anyqtaǵan.  «Ol óz izdenisteriniń nátıjesi jaıly ǵylymı jetekshimizge aıtqan. Alaıda ol basyn ızedi de qoıdy. Buǵan deıin vırýs jaıly ashyq talqylap júrgen dárigerler men zertteýshiler aıaq astynan úndemeı qaldy. Olar: «Biz bul týraly aıta almaımyz, biraq betperde kıip júrýimiz kerek» dedi», – deıdi AQSh-qa qashqan maman.

Lı-Men Ian qyzmet etken Gonkong ýnıverıteti burynǵy qyzmetkeriniń paraqshasyn ýnıversıtet saıtynan alyp tastapty. Qytaı elshiligindegiler «munaı adam jaıly eshqashan estimegenderin» aıtyp, ol jarııalaǵan derekterdiń barlyǵyn teriske shyǵardy.

Sońǵy jańalyqtar