11 Shilde, 15:25 1252 0 Jańalyqtar Asyl TUMAR

Bıyl balalar mektepke bara ma – mınıstr jaýap berdi

Bul suraqqa Bilim jáne ǵylym mınıstri Ashat Aımaǵambetov jaýap berdi, – dep jazdy QazAqparat.

«Birinshiden jalpy daıyndyq joǵary deńgeıde júrgizilip jatyr. Aıaqtalǵan oqý jylynyń tórtinshi toqsanynda da daıyndyq jumystary toqtap qalǵan emes. Bul týraly buryn da aıtqanbyz. Ekinshiden, bul turǵyda Bilim jáne ǵylym mınıstrliginiń jalpy jospary bar. Kúrdeli epıdemıologııalyq jaǵdaıdy eskere otyryp, biz áý bastan úsh negizgi nusqaǵa daıyndaldyq. Boljamymyz durys bolyp shyqty», – dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.

Mınıstrdiń aıtýynsha osy úsh baǵyt boıynsha daıyndyq jumystary qyzý júrgizilýde.

«Osy úsh nusqa Densaýlyq saqtaý mınıstrligimen, basqa da memlekettik organdarmen talqylaný ústinde. Onyń qyr-syryn zertteý boıynsha jumys toptary bar. Iske ǵalymdar men pedagogtardy, mektep dırektorlary men sarapshylardy tarttyq. Sol sebepti qazirgi ýaqytta barly óńirde úlken talqylaý jumystary júrgizilýde. Osyǵan deıin áleýmettik jelide tarap ketken slaıd-materıal Bilim jáne ǵylym mınıstrligine tıesili emes. Ony mektep deńgeıinde talqylaǵandardyń biri taratýy múmkin», – dedi ol.

Ashat Aımaǵambetov sonymen birge muǵalimderge arnalǵan kýrstar daıyndalǵanyn jetkizdi.

«Eń mańyzdy suraqtardyń biri – pedagogterdiń qazirgi jańa jaǵdaıǵa daıyndyǵy. Qandaı nusqa qabyldansa da pedagogterge jańa daǵdy kerek. Ony tórtinshi toqsanda aıqyn baıqadyq. Sondyqtan bes modýlden turatyn osy kýrstar – IT-daǵdy, ıfrlyq pedagogıka máselelerin qamtıdy. Qandaı nusqa qabyldansa da – osy kýrstardy júrgizemiz. Sondaı-aq kompıýter men serverler, ınternet máselesi. Qashyqtan oqysaq ta, qalypty oqysaq ta – mektepterge kompıýter kerek. Ákimdikter osy máselege jiti nazar aýdaryp otyr. Eger mektepte bir kompıýterge 20-25 baladan kelse, onda olardyń IT-daǵdysyn damytamyz degen sóz beker», – dedi ol.

Mınıstr óz sózinde erekshe qajettiligi bar balalarǵa beriletin bilim sapasy máselesi de umytylmaıtynyn jetkizdi.

Sońǵy jańalyqtar