11 Shilde, 13:45 1312 0 Jańalyqtar Asyl TUMAR

Oqýshylarǵa mektep formasyn kııý mindettelmeıdi – mınıstr

Qazaqstanda aldaǵy oqý jylynda oqýshylarǵa mektep formasyn kııý mindettelmeıtin bolady. Bul týraly Bilim jáne ǵylym mınıstri Ashat Aımaǵambetov málimdedi.

«Mektep formasy túsiniginiń ózi, onyń qaǵıdaty men talaptary eshqaıda joǵalyp ketpeıdi. Biraq biz bul buıryqqa arnaıy tarmaq engizemiz. Iaǵnı ol tarmaqqa tótenshe jaǵdaı, karantın, shekteý sharalary men basqa da fors-major jaǵdaılar jatady. Dál osyndaı jaǵdaılarda balalarǵa klassıkalyq iskerlik kıimmen kelýge ruqsat beremiz», – dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.

Onyń aıtýynsha eger ata-analarda qazirgi ýaqytat mektep formasyn alýǵa jaǵdaıy bolmasa balalarǵa qarapaıym klassıkalyq kıim alyp berýge bolady.

«Mundaı sheshimdi biz qabyldadyq. Qazirgi jaǵdaıda bul sheshimniń mańyzy zor dep esepteımiz. Muny keńes sıpatynda emes, Bilim jáne ǵylym mınıstrliginiń ádilet organdarynda tirkegen buıryǵy negizinde júrgizip jatyrmyz. Sheshimniń normatıvti-quqyqtyq qujat retinde sıpaty bolýy kerek», – dedi ol.

Ashat Aımaǵambetov dese de bul ózgeris ýaqytsha ekenin eskertti.

Sońǵy jańalyqtar