9 Shilde, 20:39 829 0 Densaýlyq Túrkistan Gazeti

Densaýlyq salasy rasynda da pandemııaǵa daıyn bolmady

– Prezıdentimizdiń 13 shilde kúnin koronavırýs qurban­daryn aza tutý kúni dep jarııalaǵanyn qoldaımyn. Bul indet jas talǵamaıdy, qanshama azamattar men azamatshalardan aıyrylyp jatyrmyz. Halyqta úreı basym. Óıtkeni Qazaqstannyń densaýlyq salasy rasynda da pandemııaǵa daıyn bolmady. Aýrýhanalarda oryn joq, al ambýla­torııalyq jáne úı jaǵdaıynda vırýs juqtyryp, ortasha, aýyr dárejede aýyryp jatqan qanshama adam bar.

Biz koronavırýsqa deıin ambýlatorııalyq jaǵdaıda qystygúni bronhıt, JRVI sııaqty aýrýlarǵa kúnine 10-15 shaqyrtý alatynbyz.  Al koronavırýs bastalǵaly kúni­ne 2 000 turǵyny bar 1 ýchaskeniń ózinen  20-30 shaqyrtý alamyz, keı kezderi tip­ti 40 shaqyrtý bolyp jatady. Bir dáriger aýrýhanada emdelýshilerdi qabyldaýdan bólek, 30-40 shaqyrtýǵa baryp jatady. Bul dárigerler úshin óte aýyr.

Jumysta saqtyq sharalaryn jasaýǵa barlyq jaǵdaı jasalǵan. Biraq shaqyrtýǵa baratyn kólik tapshy. Keı dárigerler shaqyrtý kóp bolǵan jaǵdaıda alys jerlerge jaıaý barady.

Qaladaǵy dárihanalardan aetılsalııl qyshqylynyń ózin maı shammen izdep tap­paısyń. Ásirese, úı jaǵdaıynda emdelip jatqandar dári tappaı áýre-sarsańǵa túsip jatyr. Óıtkeni keı dárihanalar úı jaǵdaıynda emdelýshilerge reeptsiz dáriler satady. Antıbıotıkter qabyldaýǵa negiz joq jaǵdaıda ony qabyldap jat­qandar óte kóp. Burynǵy mınıstrimiz qolynan kelgenshe jumys istedi. Bul jerde halyqtyń karantın sharalaryn saqtamaýy da vırýs juqtyrýshylar sanynyń kóbeıýine áser etip otyrǵanyn aıta ketýimiz kerek. Ózińiz baıqap qarasańyz, ha­lyqtyń basym kópshiligi kóshede maskasyz júredi. Emdelýshiler áńgimelesý barysynda aıtqandy maquldap tyńdaǵanymen, bylaı shyǵa bere saqtyq sharalaryn oryndamaıtynyn kózimiz kórip júr.

Sonymen qatar qabyldaýǵa kelgen naýqastardyń maska satyp alýǵa qaltasy kó­termeıtinin, tipti satyp alýǵa yntasy joǵyn baıqaımyn. Bir rettik maskany tútelenip ketkenshe jýyp taǵatyndardy da kórip júrmin. Osyndaı qarapaıym saq­tyq sharalary saqtalmaı otyr.

Biraq bizde bilikti dárigerler óte kóp, emdelip jatqan adamdar qanshama. Pan­demııanyń ekinshi tolqynynda vırýs juqtyrýshylar sanynyń artyp otyrǵanyna qaramastan, ambýlatorııalyq jaǵdaıda dáriler tegin berilip jatyr. Qazir pnevmonııa bolyp aýyryp jatqan emdelýshilerdiń 90 paıyzyna dárini tegin berip jatyrmyz.

Raıhan FAIZIEVA,

Almaty qalalyq  №8 emhanasynyń jalpy tájirıbelik dárigeri

Sońǵy jańalyqtar